Qaraǵandy oblysy Qarqaraly aýdanynyń shalǵaidaǵy eldi mekenderiniń turǵyndary aýdan ortalyǵyna barmai-aq vaktsinatsiiadan óte alady. Aýyldarda jyljymaly egý pýnkteri jumys jasaityn bolady, dep habarlaidy "Ult aqparat".
Qarqaraly aýdanynda aýyl turǵyndaryna yńǵaily bolý úshin jyljymaly egý keshenderiniń jumysy uiymdastyryldy. Mobildi vaktsinatsiia pýnkteri árbir eldi mekenge qyzmet kórsetetin bolady.
«Ókinishke orai, bizdiń aýdanda vaktsinatsiia kórsetkishteri jaqsy emes. Sonymen qatar, juqtyrý qaýpi áli de joǵary. Biz aýdan turǵyndaryn belsendi azamattyq ustanym tanytyp, ekpe alýǵa shaqyramyz. Buryn olar Qarqaraly jáne Egindibulaq aýrýhanalary janynan ashylǵan eki pýnkte ǵana egiletin. Qazir biz adamdar jumystan jáne úiden qol úzbei vaktsinany alý úshin eki jyljymaly egý kesheniniń jumysyn uiymdastyrdyq», – dep atap ótti Qarqaraly aýdanynyń ákimdiginde.
«Vaktsinatsiia pýnkterinde aqparattyq-túsindirý jumystary da júrgizilýde. Dárigerler turǵyndardyń suraqtaryna jaýap berýge daiyn jáne ekpe jasamas buryn bárin mindetti túrde tekseredi. Birinshi kezekte olar búkil Qarqaralyny aralap, keiin shalǵai aýyldarǵa attanady», – dep tolyqtyrdy jergilikti ákimdikte.
