Qaraǵandy oblysynyń ákimdiginde óndiristik jaraqattaný statistikasy men kásiporyndardaǵy tekserý nátijeleri jariialandy.
«2021 jyldyń bes aiynda 96 jazataiym oqiǵa boldy, onda 122 adam zardap shekti, onyń ishinde 16 adam qaitys bolǵan. Jazataiym oqiǵalardyń eń kóbi taý-ken metallýrgiia, kómir jáne qurylys salalarynda bold. Negizgi bóligi «ArselorMittal Temirtaý» AQ, «Qazaqmys» korporatsiiasy» JShS, «Shubarkól Kómir» AQ, «Altyn Komir Service» JShS jáne t. b. iri kásiporyndarda tirkelgen», – dep habarlady eńbek inspektsiiasy jónindegi basqarma basshysy Irina Liýbarskaia onlain rejimde ótken apparattyq keńeste.
Negizgi sebepterdiń qatarynda baiandamashy qaýipsiz eńbek jaǵdailaryn qamtamasyz etýdegi olqylyqtardy, qaýipsizdik tehnikasyn saqtamaýdy, óndiristi jańǵyrtý jetkiliksiz júrgiziletinin atap ótti.
Jyl basynan beri politsiia organdaryna jumys istep jatqan jazataiym oqiǵalardy arnaiy tergeýge 110 material jiberildi.
Basqarma basshysynyń málimetinshe, ónerkásip kásiporyndarynda 319 tekserý júrgizilip, nátijesinde 255 buzýshylyq anyqtaldy. Búgingi tańda olardyń barlyǵy joiyldy. 40 zańdy jáne laýazymdy tulǵa ákimshilik jazaǵa tartyldy, aiyppuldardyń jalpy somasy 8,9 mln teńgeni qurady.
Irina Liýbarskaia óńirde 2019-2023 jyldarǵa arnalǵan óndiristik jaraqattanýdy jáne eńbek jaǵdailary ziiandy jumys oryndaryn azaitý jónindegi Jol kartasyn jáne «Qaýipsiz eńbek» baǵdarlamasyn iske asyrý týraly aityp berdi.
Oblysta 160 iri kásiporyn eńbek qaýipsizdigi jáne eńbekti qorǵaý boiynsha halyqaralyq jáne ulttyq standarttardy engizgen (OHSAS 18001, HEU-EQBJ). Bes kásiporyn Vision Zero baǵdarlamasyna qatysady, 31 kásiporynǵa «Halyqtyq baqylaý» jobasy engizildi. Eńbek qaýipsizdigi jáne eńbekti qorǵaý jónindegi 1 128 óndiristik keńes jumys isteidi.
«Bizdiń óńirimizde qaýipsiz eńbek jaǵdailaryn qamtamasyz etý máseleleri árdaiym ózekti. Ókinishke qarai, ereje buzýshylyqtar jumys berýshiler de, jumysshylardyń tarapynan da jiberilip jatady. Óndiristik jaraqattanýdy azaitý boiynsha sharalardy kúsheitip, qaýipsizdik erejelerin kóbirek túsindirý qajet», – dep atap ótti oblys ákimi Jeńis Qasymbek.
Óńir basshysy jazataiym oqiǵalar bolǵan árbir kásiporynda eńbek jaǵdaiyn jaqsartý boiynsha naqty jospar ázirleýdi tapsyrdy. Barlyq óndiris kásiporyndarynda kásibi táýekelderdi baǵalaý jáne olardy azaitý boiynsha sharalar qabyldaý qajet.
