Qaraǵandy oblysynda vaktsina alǵan óńir turǵyndary arasynda eki iPhone 12 telefony oinatylady, dep habarlaidy "Ult aqparat".
Utys oiynyn oblys ortalyǵynyń eki jas jáne belsendisi Ámir Beisenalin men Rýstam Aitmaǵambetov uiymdastyrdy. Olardyń aitýynsha, utys óńir turǵyndary arasynda vaktsinatsiia kórsetkishin arttyrýǵa baǵyttalǵan.
«Bizdi pandemiiaǵa bailanysty qalyptasqan jaǵdai alańdatady. Ekinshi jyl qatarynan dúkenderge, dámhanalarǵa, meiramhanalarǵa, kinoǵa, teatrlarǵa jáne basqa da qoǵamdyq mekemelerge maskasyz kirýge bolmaityn jaǵdaida ómir súrip jatqanymyz unamaidy. Biz kórermendermen ótkiziletin jappai is-sharalar týraly umytyp kettik jáne osy jaǵdaidan shyǵýdyń joly vaktsinatsiia dep sanaimyz. Muny neǵurlym tezirek túsinsek, soǵurlym tezirek tolyqqandy ómir súre bastaimyz», – dep atap ótti Ámir Beisenalin.
Utys oiynynyń sharttary qarapaiym: vaktsinatsiia, egý pasportyn nemese vaktsinany alǵandyǵyn rastaityn kez kelgen basqa qujatty sýretke túsirý, ony áleýmettik jelilerde #stopkovidkrg heshtegimen ornalastyrý, uiymdastyrýshylardyń Instagram-daǵy akkaýnttaryna jazylý – @rr.pro jáne @amirbsn, utys týraly posttyń astyna eki dosty belgileý.
Utys oiynyna Qaraǵandy oblysynyń turǵyndary ǵana qatysa alady. Qorytyndy shilde aiynyń alǵashqy kúnderinde shyǵarylady.
