Qaraǵandylyq politseiler kópirden seirip ketpekshi bolǵan qyzdy ólim aýzynan aman alyp qaldy. Tártip saqshylary ony sońǵy minýtta qaiǵyly jaǵdaidan qutqaryp qaldy, dep habarlaidy "Ult aqparat".
Qaraǵandy oblysy PD patrýldik politsiia batalonynyń ekipajy quramynda vzvod komandiri politsiia kapitany Jumaqas Nurjan, politsiia aǵa leitenanttary Tańatbaev Nariman men Serikbekov Maqsat oblystyq jáne respýblikalyq mańyzy bar joldardy patrýldedi.
Zarechnyi kentiniń mańynda Shyǵys ainalma jolynda tártip saqshylary jol jieginde adamdy baiqaǵan. Jaqyndaǵannan keiin olar kópir qorshaýynyń artynda turǵan qyzdy kórgen. Politsiia qyzmetkerleri onyń esimin bilip, kómek kerek pe dep suraǵan. Qyz óz esimin aityp, ony jalǵyz qaldyrýyn ótingen. Tártip saqshylaryna ol óz-ózine qol jumsaitynyn aitqan.
27 jastaǵy aýyl turǵyny bir bótelke syra iship turyp, ekipajdan ketýin talap etti.
Politseilerdiń biri qyzdy áńgimemen alańdatyp jatqanda, ekinshisi ainalyp ótip, bildirtpei onyń janyna barǵan.
«Qyz mas boldy, onymen bailanys ornatý óte qiyn boldy. Biz ony áńgimege tartýǵa jáne ony qorshaýlardan alystatýǵa tyrystyq. Sońǵy sátte, sekirgen kezinde ony qolynan ustap alyp, joldyń bergi jaǵyna tartyp shyǵardyq», - dep habarlady politsiia kapitany Jumaqas Nurjan.
Politsiia qyzmetkerleriniń kásibiliginiń arqasynda ózine-ózi qol jumsaý áreketine jol berilmei, qyz qutqarylyp, meditsina qyzmetkerleriniń qolyna tapsyryldy.
