Qaraǵandyda oblystyń bas sanitariialyq dárigeriniń jańa qaýlysy shyqty. Atalmysh qujatqa sai, kenshiler óńirinde 8 maýsymnan bastap balalardyń oiyn-saýyq ortalyqtary, tsirk pen qonaq úiler, sanatoriiler men demalys úileri óz jumysyn qaita bastaidy, dep habarlaidy "Ult aqparat".
Qaýly boiynsha kelesi ózgerister engizildi, atap aitqanda «Ashyq» jobasyna qatysatyn kásipkerlik nysandarynyń tizimi keńeitildi, balalarǵa arnalǵan (jabyq túrdegi) oiyn-saýyq ortalyqtary, tsirkter, otelder, qonaq úiler qosyldy.
Osylaisha, balalar oiyn-saýyq ortalyqtary (jabyq túrdegi) bir adamǵa keminde 10 sh.m. aýmaq berilip, 30 adamnan aspai jumys isteýi kerek;
Aýdany 1000-nan 3000 sharshy metrge deiingi balalar oiyn-saýyq ortalyqtarynda (jabyq túrdegi) bir adamǵa keminde 10 sh.m. aýmaq berilip, 60 adamnan aspai jumys isteýi kerek;
- Tsirkter adam syiymdylyǵyn 30%-dan asyrmai jumys istei alady;
- Otelder, qonaqúiler qyzmeti shekteýsiz;
- fýd-korttarǵa saǵ. 22-00 ge deiin (burynyraq saǵ. 20-00 deiin) jumys isteýine ruqsat berildi.
Departamentte halyqtyń sanitariialyq-epidemiologiialyq salamattylyǵy salasyndaǵy zańnama talaptaryn saqtamai, oqshaýlaý rejimin buzǵany úshin «qyzyl» mártebesi bar jeke tulǵaǵa qatysty «Ákimshilik quqyq buzýshylyq týraly» 2014 jylǵy 5 shildedegi Qazaqstan Respýblikasynyń Kodeksine sáikes ákimshilik sipattaǵy sharalar qoldanylatyny týraly eske saldy.
«Sary» mártebesi bar jeke tulǵaǵa qatysty tiisti ákimshilik-aýmaqtyq bas memlekettik sanitariialyq dárigeriniń oqshaýlaý qajettiligi talaptarymen sanitariialyq-epidemiiaǵa qarsy jáne sanitariialyq-profilaktikalyq is-sharalardy júrgizý týraly qaýlysy shyǵarylady.
12 jastan asqan balalardyń kompiýterlik klýbtarǵa, tsirkterge, kinoteatrlarǵa kirýi «Ashyq»qosymshasynda erikti túrde tirkelý arqyly júzege asyrylady.
Sonymen qatar, jobaǵa qatysýshy kásipkerlik nysandaryna kirý úshin «Ashyq» mobildi qosymshasyn basqa platformalar arqyly paidalanýǵa bolady. Mysaly, osy qosymsha eGov mobile, Aitu, Kaspi.kz, Halyk Bank, Sberbank.kz, www.ashyq.kz. saity arqyly qoljetimdi.
Sondai-aq, senbi jáne jeksenbi kúnderi qalaaralyq oblysishilik turaqty jolaýshylar qozǵalysy kelesi baǵyttarda: Qaraǵandy - Temirtaý - Qaraǵandy; Qaraǵandy - Saran - Qaraǵandy; Qaraǵandy - Shahtinsk - Qaraǵandy; Qaraǵandy - Abai - Qaraǵandy; Qaraǵandy - Shahan - Qaraǵandy; Qaraǵandy - Topar – Qaraǵandy qalpyna keltiriledi.
Sonymen qatar oblysta sanatorii-kýrorttyq uiymdar (úiler, demalys ortalyqtary men demalys aimaqtary, sanatoriiler men profilaktoriiler) ǵimarattardy jobalyq qýatynyń 80%-nan aspaityn kólemde toltyrýmen jáne jaǵajailardyń jumys isteýimen (buryn jaǵajailardyń jumysyna tyiym salynǵan) qyzmet etedi.
Qaýly 2021 jylǵy 8 maýsym kúni saǵat 00-00 bastap kúshine enedi.
