Qaraǵandy oblysynda koronavirýsqa qarsy vaktsinatsiia naýqany jalǵasýda. 72 713 adam tolyǵymen egildi, birinshi komponentti 144 352 turǵyn aldy. Bul týraly Ortalyq kommýnikatsiialar qyzmetiniń alańynda ótken brifing barysynda óńir basshysy Jeńis Qasymbek aitty, dep habarlaidy "Ult aqparat".
Qaraǵandy oblysynda 4 899 infektsiialyq tósek oryn bar. Olardyń tolymdylyǵy 36%-dan aspaidy. Oblystyń statsionarlary men emhanalarynda dári-dármekter men JQQ-nyń úsh ailyq qory bar.
«Barlyq qajetti meditsinalyq jabdyqtar, onyń ishinde 26 kompiýterlik tomograf bar. Jan basyna shaqqandaǵy tomograftar sany boiynsha oblys respýblikada jetekshi oryndardyń birin alady», – dep atap ótti Jeńis Qasymbek.
Óńirdiń barlyq qalalary men aýdandarynda mamandandyrylǵan tońazytqysh jabdyqtarymen jabdyqtalǵan 115 immýndaý kabineti jumys isteidi. Sondai-aq, segiz iri saýda ortalyǵynda egý kabinetteri bar.
Sonymen qatar, qyzmetkerlerdi immýndaý úshin óndiristik kásiporyndarǵa egý brigadalary barady.
Jalpy, oblysta meditsinany damytýǵa kóp kóńil bólinedi. Biylǵy jyly birqatar infraqurylymdyq jobalardy iske asyrý josparlanyp otyr.
Máselen, eki jańa jedel kómek qosalqy stantsiiasy ashylmaq. Maýsym aiynda operatsiialyq-reanimatsiialyq bloktyń jáne onkologiialyq dispanser janyndaǵy iadrolyq meditsina ortalyǵy ǵimaratynyń qurylysy bastalady. Sondai-aq, oblystyq balalar klinikalyq aýrýhanasynyń qurylysy aiaqtalýy tiis.
Aýyldyq jerlerde úsh jyl ishinde 32 FAP salynady.
