Qaraǵandy oblysynda egis naýqanynyń qorytyndysyshyǵaryldy. Biylǵy jyly jazdyq egis alqaptary, kartop pen kókónis otyrǵyzýkólemi artty. Fermerler joǵary sapaly tuqymdar men mineraldy tyńaitqyshtardy kóbirek qoldana bastady, dep habarlaidy "Ult aqparat".
«Egis naýqanyna 1 884 aýyl sharýashylyǵy qurylymdary qatysty. Bul kórsetkish 2020 jylǵa qaraǵanda 213 sharýashylyqqa artyq. Ótken jyldyń deńgeiimen salystyrǵanda jazdyq egis kólemi 40 myń gektarǵa artyp, 1 mln 57 myń 700 gektardy qurady. Kartop 11 042 ga, kókónis 1 794 ga aýmaqqa salyndy. Jemshóp daqyldarynyń egistigi 15,9 myń ga ulǵaidy jáne 79,2 myń ga qurady», – dep málim etti Aýyl sharýashylyǵy basqarmasynyń basshysy Asqar Sanaýbarov onlain rejiminde ótken apparattyq keńeste.
Ol oblys sharýashylyqtary suryptyq jańartýǵa kóńil bóletinin atap ótti.
Mysaly, biylǵy jyly joǵary reprodýktsiialy tuqymdar barlyq astyq tanabynyń 92%-na qoldanyldy. Dándi daqyldar men kartop otyrǵyzýda elitalyq tuqymdardy qoldaný da artty.
Basqarma basshysynyń aqparaty boiynsha, tuqym sharýashylyǵyn qoldaýǵa biyl 726 mln teńge bólindi jáne bul somanyń basym bóligi tólendi.
Sondai-aq, mineraldy tyńaitqyshtardyń qunyn sýbsidiialaýǵa, aramshópter jáne ziiankestermen kúresýge biýdjetten qarajat bólindi.
Egis naýqanyna 9 500-den astam traktor, 229 egis kesheni jáne 5 556 sepkish tartyldy. Agrarshylar 19 myń tonna arzandatylǵan dizel otynyn aldy.
Egis jumystaryn júrgizýge oblystyń 108 sharýashylyǵy «Keń Dala» jáne
«Eginjai» baǵdarlamalary boiynsha jeńildetilgen nesielerdi paidalandy.
«Oblysta egis naýqany kózdelgen merzimde aiaqtaldy. Buǵan aýyl sharýashylyǵy kásiporyndaryn aldyn ala daiyndaý, qolaily aýa-raiy yqpal etti. Endi bitik egin jinaýǵa jaǵdai jasaý kerek. Aýyl sharýashylyǵy basqarmasyna qoldaý kórsetý boiynsha keshendi sharalardy qamtamasyz etýdi tapsyramyn», – dedi óńir basshysy Jeńis Qasymbek.
