Qaraǵandy oblysynda dala órtteri sóndirilip jatyr. 7 shildedegi jaǵdai boiynsha 24 órt oshaǵy baqylaýǵa alyndy. Onyń ishinde eki dala órti men 14 órt sóndirildi, dep habarlaidy "Ult aqparat".
Qaraǵandy oblysy TJD baspasóz qyzmetiniń málimetinshe, órtterdi sóndirýge myńǵa jýyq adam men 184 tehnika jumyldyrylǵan.
Ulytaý aýdanyndaǵy Jangeldi jáne Aqtas aýyldyq okrýgterinde qutqarýshylar órtpen kúresýdi jalǵastyrýda. Tabiǵi apatty joiýǵa 370 adam men 45 tehnika jumyldyryldy.
Órt sóndirý jumystary Sheńber jáne Amangeldi aýyldyq okrýgterinde de júrgizilip jatyr.
«6 shildede Jańaarqa aýdanynda eki, Aqtoǵai jáne Shet aýdandarynda bir-birden dala órti tirkeldi», - dep habarlady TJD baspasóz qyzmeti.
Esterińizge sala keteiik, 1 shildeden beri Qaraǵandy oblysynyń Ulytaý aýdanynda qutqarýshylar men jergilikti atqarýshy organdar, erikti jasaqtar birneshe dala órtin sóndirip jatyr. 5 shildede Ulytaý aýdanynyń úsh eldi mekeninde tótenshe jaǵdai jariialandy.
