Sailaýǵa kandidattardy usyný kezeńi 9 shildede aiaqtaldy, dep habarlaidy "Ult aqparat".
Oblystyq sailaý komissiiasynyń tóraǵasy Erqara Aimaǵambetovtyń aitýynsha, oblysta barlyǵy 75 sailaý okrýginen 303 kandidat usynyldy.
Onyń 87-si saiasi partiialardan úmitker bolsa, qalǵan 216-sy - ózin-ózi usynǵan azamattar.
«Barlyq okrýgterde úsh-jeti kandidat usynyldy. Saiasi partiialar 87 úmitkerdi usyndy: NurOtan partiiasy – 62, «Aýyl« HDPP – 5, «Aq Jol« QDP jáne «ADAL« PP – 3, QHP – 14. Ortasha básekelestik bir orynǵa 4,1 adamdy qurady», - dep atap ótti Erqara Aimaǵambetov.
On tórtinshi shildede saǵat 18:00-de Qaraǵandy oblysynda aýyl ákimderin sailaýǵa kandidattardy tirkeý aiaqtalady. Qazirgi ýaqytta oblsailaýkom olardyń zańnama talaptaryna sáikestigin tekseredi. 15 shildeden bastap úgit naýqany bastalady.
Tekserý barysynda memlekettik qyzmet talaptaryna sáikes kelmegendikten 10 úmitkerge tirkeýden bas tartyldy.
303 úmitkerdiń taǵy biri óz kandidatýrasyn alyp tastaý týraly málimdedi.
Osylaisha, 10 shildedegi jaǵdai boiynsha 292 kandidat qaldy, olardyń 142-si tirkeldi.
«Bul kezeńde úlken báseke men qyzyǵýshylyq baiqalady. 6-7 úmitkerden bir orynǵa usynylǵan aýyldyq okrýgter bar. Ózin-ózi usynǵan 216 adamnyń 90-y qoldaý úshin sailaýshylardyń qajetti qoldaryn jinady. Arnaiy tekserýge 247 úmitkerdiń qujaty jiberildi», - dep tolyqtyrdy Erqara Aimaǵambetov.
Áleýetti ákimderdiń ortasha jasy - 43 jas. Eń úlkeni - 61 jasta. Áielderdiń jalpy úlesi - shamamen 16%. Barlyq úmitkerdiń joǵary bilimi bar.
Esterińizge sala keteiik, 25 shildede Qaraǵandy oblysynda 130 myńnan astam adam turatyn 149 eldi mekende aýyl ákimderiniń tikelei sailaýy ótedi.
Tikelei sailaýdy ótkizýge 164 sailaý komissiiasy - 15 aýmaqtyq jáne 49 ýchaskelik komissiia jumyldyrylady.
