Qaraǵandy oblysynda 7 shildedegi jaǵdai boiynsha aýyl ákimderin sailaýǵa 260 kandidat usynyldy. Onyń 185-i ózin-ózi usynǵan, al 75-i saiasi partiialardan, dep habarlaidy "Ult aqparat".
Oblystyq sailaý komissiiasynyń habarlaýynsha, qazirgi ýaqytta tórt partiia óz múshelerin usyndy.
Eń kóp úmitkerin usynǵan partiia Nur Otan boldy. Bul partiiadan 61 kandidat usynylyp otyr.
Qazaqstannyń Halyq partiiasy - 7, «Aýyl» – 5, «Adal» – 2 adam usyndy.
Usyný protsesiniń aiaqtalýyna eki kún qaldy. Oblysta bul kezeń 26 maýsymda bastalyp, 9 shildede aiaqtalady.
Sodan keiin sailaý komissiialary kandidattardy tirkeýge kirisedi.
Esterińizge sala keteiik, Qaraǵandy oblysynda aýyl ákimderiniń alǵashqy tikelei sailaýy 25 shildede 149 eldi mekende ótedi.
Tórt jyldyq merzimge 75 aýyl ákimin sailaý josparlanyp otyr.
