Qaraǵandy oblysynan jeti sportshy 6 litsenziia jeńip aldy. Qazaqstannyń paralimpiada quramasyna eki qaraǵandylyq kirdi. Tokioda ótetin XXXI jazǵy Olimpiada oiyndary qarsańynda oblys ákimi sportshylarmen jáne olardyń tálimgerlerimen áńgimelesti. Kezdesý onlain formatta ótti, dep habarlaidy "Ult aqparat".
Qaraǵandy oblysy dene shynyqtyrý jáne sport basqarmasynyń basshysy Temirhan Abylaev olimpiadalyq litsenziia iegerleriniń esimderin atady.
«Jeti sportshymyz alty litsenziia jeńip aldy. Olar: Abylaihan Júsipov (boks), Elmira Syzdyqova (áielder kúresi), Aleksandra jáne Ekaterina Nemich (sinhrondy júzý), Jansai Smaǵulov pen Islam Bozbaev (dziýdo), Mariia Ovchinnikova (jeńil atletika). Bizdiń óńirden Paralimpiadaǵa sportshylar jeti litsenziia jeńip aldy. Paralimpiada sport komitetiniń sheshimi boiynsha onyń tek ekeýine kvota berildi. Ulttyq quramaǵa Dastan Muqashbekov (jeńil atletika) jáne Áliia Rahymbekova (júzý) kirdi», – dedi Temirhan Abylaev.
Jeńis Qasymbek oblysta sportqa erekshe kóńil bólinetinin atap ótti.
Fýtbol alańdary men zamanaýi DSK-lar salynýda, zamanaýi sport nysandary tapsyrylady, oblystyń barlyq aýyldary men qalalarynda sport zaldary jóndelip jatyr.
Sportshylardyń jalaqysy artty. Olar meditsinalyq qyzmetpen tolyq qamtamasyz etilgen.
«Sizder 1,5 jyldan beri kúrdeli jaǵdaida jattyǵyp kelesizder. Qazirgi jaǵdai bárimizge áser etedi. Biraq osynyń barlyǵyna qaramastan, biz sizderdiń jeńisterińizdi asyǵa kútemiz jáne sizderge úlken tabys tileimiz», – dedi aimaq basshysy.
Esterińizge sala keteiik, Tokioda jazǵy Olimpiada oiyndary 23 shilde men 8 tamyz aralyǵynda, Paralimpiada oiyndary 24 tamyz ben 5 qyrkúiek aralyǵynda ótedi.
