Qaraǵandy oblysynyń Politsiia departamenti Qaraǵandynyń «Gorniak» bazarynda er adamnyń ólimi boiynsha taǵaiyndalǵan sot-meditsinalyq saraptama qorytyndysyn jariialady. Oǵan sáikes, ólim elektr togynyń soǵýy saldarynan bolǵan, dep habarlaidy "Ult aqparat".
«9 maýsymda oryn alǵan jazataiym oqiǵa faktisi boiynsha QR QK 306-baby «Qaýipsizdik talaptaryna sai kelmeitin taýarlardy shyǵarý nemese satý, jumystardy oryndaý ne qyzmetterdi kórsetý« boiynsha qylmystyq is qozǵaldy. Sot-meditsinalyq saraptama jábirlenýshiniń ólimi elektr togynyń soǵýy saldarynan bolǵanyn anyqtady», - dep habarlady Qaraǵandy oblysy PD baspasóz qyzmetinen.
Qazirgi ýaqytta politsiia qyzmetkerleri oqiǵanyń barlyq mán-jaiyn anyqtaý úshin qajetti tergeý sharalaryn júrgizýde.
36 jastaǵy áieldiń ólimine qatysty ekinshi jaǵdaiǵa keletin bolsaq, politsiia onyń elektr togynan kóz jumǵany týraly qaýesetti joqqa shyǵardy.
«Buǵan deiin habarlanǵandai, 6 maýsymda dál osy aýdanda 36 jastaǵy áieldiń máiiti tabyldy. Meditsinalyq saraptama onyń óliminiń sebebi júrek aýrýy – «keńeitilgen kardiomiopatiia« bolǵanyn anyqtady. Sondyqtan, áiel de elektr togynyń soǵýynan mert boldy degen boljamdar men qaýesetterge esh negiz joq», - dep túsindirdi departamentte.
Jýrnalisterdiń: «Osy ýchaskede qandai da bir jóndeý jumystary júrgizildi me?», - degen suraǵyna qala ákimdigi kelesidei jaýap berdi:
«Búgingi tańda áleýmettik pavilon aýmaǵynda (Gorniak aialdamasy) avtomobil jolynyń oń jaǵynda merdiger uiym eshqandai jumys júrgizbeidi. Sondai-aq, pavilon men jol tóseý jobasy arasynda elektr kabelderi tabylmady», - dep habarlady Qaraǵandy qalasy ákimdiginiń baspasóz qyzmetinen.
Esterińizge sala keteiik, «Gorniak» bazarynda araǵa tórt kún salyp, 2 adam kóz jumdy. 6 maýsymda 36 jastaǵy áiel qaitys bolsa, 9 maýsymda 32 jastaǵy er adam qaza tapty.
