Ekologiia, geologiia jáne tabiǵi resýrstar ministrligi Soltústik Qazaqstan oblysynda Qarabek kólinde qyrylǵan balyqqa qatysty túsinik berdi, dep habarlaidy "Ult aqparat".
«3 shildede Soltústik qazaqstan oblysy Qyzyljar aýdanynyń jergilikti turǵyndarynan Qarabek kólinde balyq (móńke balyǵynyń) qyrylǵany týraly aqparat kelip tústi. Janýarlardyń qyrylý qaýpi jáne ólimi anyqtalǵan kezdegi ózara is-qimyl syzbasyna sáikes barlyq múddeli organdar habardar etildi. Atalǵan fakti boiynsha Esil oblysaralyq basseindik balyq sharýashylyǵy inspektsiiasy, Soltústik qazaqstan oblysy ákimdigi, Soltústik qazaqstan oblysy boiynsha ekologiia departamenti jáne QR AShM Veterinarlyq baqylaý jáne qadaǵalaý komitetiniń Soltústik Qazaqstan oblystyq aýmaqtyq inspektsiiasy ókilderi atalǵan sý aidynyna birge bardy. Tekserý barysynda sý qoimasynyń soltústik-shyǵys jaǵalaýynda 100 kg móńke balyq ólgeni anyqtaldy» dep málim etti vedomstvodan.
Kelesi kúni de balyq jinaý jalǵasyp, búginde kólden alynǵan 560 kg móńke joiylǵan.
Veterinarlyq qyzmet pen ekologiia departamentiniń mamandary zertteý júrgizý úshin sý synamasy men balyq ushasyn aldy.
«Balyqtyń qyrylý sebebi týraly aqparat zertteý nátijelerin alǵannan keiin qosymsha habarlanady» dep atap ótti ministrlik.
Aita keteiik, biz buǵan deiin Soltústik Qazaqstan oblysy Beskól aýylyndaǵy Qarabek kólinde 400 kg balyq qyrylǵanyn jazǵan bolatynbyz.
Qarabek kóliniń aýmaǵy - 10 ga. Qyzyljar aýdany Beskól aýylynyń janynda ornalasqan. Bul rezervýardaǵy balyqtyń túrlik quramy - móńke. Bul sý aidyny jergilikti mańyzy bar balyq sharýashylyǵy sý aidyndarynyń tizbesine kirmeidi.
