Aqtóbede jasóspirimder kólikti ruqsatsyz aidap áketken. Kapottyń ústinde otyryp video túsirgenderdiń biri qulap ketip, aýrýhanaǵa tústi, dep habarlaidy "Ult aqparat".
Birneshe jasóspirim aýlada turǵan kólikti ruqsatsyz alyp, ózen jaǵasyna barǵan. Keri qaitar jolda ekeýi kóliktiń kapotyna minip, telefonǵa video túsirgen. Sol kezde biri abaisyzda qulap ketken.
«Oi-shuńqyrly jolda kámelet jasqa tolmaǵan bala qulap qalyp, dene jaraqatymen aýrýhanaǵa tústi. Qazirgi kezde osy oqiǵa boiynsha Qylmystyq kodekstiń «Jol qozǵalysy erejesin buzý« babymen tergeý bastaldy.
Kámelet jasqa tolmaǵan balalar arasyndaǵy mundai oqiǵa kóbine jol erejesin buzý men mádenietsizdikten týyndaidy. Ár adam jol erejesin bilip, saqtaýy tiis. Tipti rýlde jasóspirim otyrsa da osyny eskerýi qajet.
Al ata-ana balasyna jaýapty ekenin taǵy bir ret eske salamyz»,- dedi oblystyq Politsiia departamentiniń bastyǵy Atyǵai Arystanov.
