Qańtardaǵy tártipsizdik kezinde qaza tapqandardyń resmi sanyna quqyq qorǵaý organdarynyń azaptaýynan qaitys bolǵandar kirmegen. Bul týraly Bas prokýrordyń orynbasary Áset Shyndaliev málimdedi, - dep habarlaidy Tengrinews.kz.
"Bizdegi bar resmi aqparat boiynsha 232 adam qaza boldy. Biz qylmystyq qýdalaý organymyz ǵoi, jeke jumys isteimiz. (...) Qańtardaǵy oqiǵa kezinde qyzmetkerlerdiń zańsyz is-áreketterinen, qylmyskerlerdiń is-áreketterinen qaza tapqan adamdar bar. Men qazir naqty sanyn aita almaimyn. (...) Azaptaýdan qaitys bolǵandardyń jeke tizimi bar, dál qazir naqty sany esimde joq", - dedi Shyndaliev.
"Azaptaýdan 6 adam, barlyǵy 238 adam qaitys boldy degen aqparat bar. Ras pa?", - dep surady jýrnalist.
"Iá. Qańtar oqiǵasy kezinde 232, azaptaýdan 6 adam qaza boldy", - dep moiyndady Bas prokýrordyń orynbasary.
