Jergilikti atqarýshy organdar shamamen 200 myń kompiýter satyp alyp, oqýshylarǵa berdi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda ministr kompiýter jetkizý jumystary kúndelikti júrgizilip jatqanyn basa aitty.
«Memlekettik múlik týraly» Zańǵa jáne Azamattyq kodekske sáikes, bul kompiýterler muqtaj otbasylarǵa ýaqytsha paidalanýǵa beriledi. Bul mekteptiń múlki ekendigin túsiný qajet. Kompiýterler mektep úshin satyp alynyp, oqý protsesi aiasynda qoldaný úshin balalarǵa beriledi», - dedi Ashat Aimaǵambetov.
Onyń atap ótýinshe, tehnika satyp alý úshin jergilikti atqarýshy organdar qarjy bólgen. Buǵan qosa, respýblikalyq biýdjetten de qosymsha qarajat jiberilip otyr. Kompiýterler eń aldymen kópbalaly jáne tabysy az otbasylardyń balalaryna beriledi.
Ministr oqýshylarǵa berilgen kompiýterler búlingen jaǵdaida bul másele «Memlekettik múlik týraly» zańnyń 72 jáne 76-baptary aiasynda sheshiletindigin aitty.
Onyń sózine qaraǵanda, ótken oqý jylynyń 4-toqsanynda balalarǵa berilgen tehnikanyń eshqaisysy búlinbegen. Ata-analar mektep múlkine zor jaýapkershilikpen qarap otyr.
