Los Angeles Times jýrnalisi Lens Pagmairdyń habarlaýynsha, orta salmaqta WBA/WBC nusqalary boiynsha álem chempiony meksikalyq boksshy Saýl «Kanelo» Alvarestiń ókilderi naryqtaǵy alpaýyt «oiynshylardan» birqatar usynystar alǵan, dep habarlaidy Sports.kz.
Eske sala ketsek, 15 qyrkúiek kúni Alvares qazaqstandyq bylǵary qolǵap sheberi Gennadii Golovkindi utyp ketken edi. Bul qos boksshy úshin de HBO telejúiesimen kelisimshart boiynsha sońǵy jekpe-jek bolatyn.
Keshe belgili bolǵandai, 2019 jyldan bastap HBO boks kezdesýlerin kórsetýdi toqtatady. Osylaisha, 45 jylǵa sozylǵan telearnadaǵy «boks dáýiri» aiaqtalady.
Saýl kelesi jekpe-jegin 15 jeltoqsanda ótkizýdi josparlap otyr.
«Jańa ǵana Erik Gomespen habarlastym. Onyń aitýynsha, HBO 15 jeltoqsan kúni «Kanelonyń» PPV jekpe-jegin uiymdastyrýǵa ázir. Alaida boksshy men Oskar de la Hoiia mundai múmkindikti talqylaǵan joq. Erik Gomestiń sózine sáikes, oǵan Eddi Hirn men Todd diýBiof habarlasyp, «Kanelony» tiisinshe DAZN men ESPN-ge shaqyrýǵa qyzyǵýshylyq bildirgen eken», - dep jazdy Pagmair Tvitterde.
