5 shildeden bastap elimizde birqatar baǵytta jolaýshylar poiyzynyń qozǵalysyna shekteý qoiylady. Bul týraly «Jolaýshylar tasymaly» AQ bas direktorynyń mindetin atqarýshy Asylhan Qaldykózov aitty, dep habarlaidy QazAqparat.
«QR Indýstriia jáne infraqurylymdyq damý ministrliginiń kelisimimen osy jyldyń 5 shildesinen bastap Almaty-Saryaǵash baǵytyndaǵy poiyz ýaqytsha toqtaidy. Áleýmettik mańyzy bar birneshe poiyzdyń qozǵalys jiiligi qysqartylady. Olar Nur-Sultan-Almaty, Almaty-Pavlodar, Nur-Sultan-Óskemen jáne Nur-Sultan-Dostyq», - dedi ol Ortalyq kommýnikatsiialar qyzmetindegi brifing barysynda.
Sonymen qatar QR Bas memlekettik sanitar dárigeriniń qaýlysyna sáikes, 3 shildeden bastap 22 baǵdar boiynsha qalamańy jolaýshylar poiyzdarynyń qozǵalysy ýaqytsha toqtatylyp otyr. Buǵan qosa, jolaýshylar poiyzdaryndaǵy jalpy vagondar jáne Talgonyń 6 poiyzyndaǵy otyryp baratyn vagondar jabylady.
