Foto: MAM
Qazaqstan Respýblikasy Mádeniet jáne aqparat ministrliginiń qoldaýymen ótetin Halyq qaharmany Roza Baǵlanova atyndaǵy halyqaralyq vokaldyq konkýrs jańa qarqyn alyp, aýqymy men mańyzyn aiqyn tanytyp otyr. Biyl ekinshi márte uiymdastyrylyp otyrǵan óner dodasyna degen qyzyǵýshylyq artyp, 150 qatysýshynyń ótinimi qabyldandy.
Bul nátije jobanyń kásibi ortadaǵy bedeliniń nyǵaiyp, shyǵarmashylyq básekeniń jańa deńgeige kóterilgenin kórsetedi. Konkýrsqa Qazaqstannyń ár óńirimen qatar, Túrkiia, Belarýs, Ózbekstan jáne Qyrǵyzstannan da qatysýshylar ótinim joldap, onyń halyqaralyq deńgeiin aishyqtai tústi.
Ótinim qabyldaý kezeńi 8 sáýirde aiaqtaldy. Qazirgi tańda konkýrs irikteý kezeńine ótti. Alǵashqy onlain irikteý kezeńi 8–17 sáýir aralyǵynda ótedi. Bul kezeńde qatysýshylardyń kásibi deńgeii jan-jaqty saraptan ótedi. Ekinshi kezeń 13 mamyr kúni oflain formatta uiymdastyrylyp, irikteýden ótken úzdik qatysýshylar úlken sahnada baq synaidy.
14 mamyr kúni baiqaý qorytyndysy shyǵarylyp, Gala-kontsert barysynda júldegerlerdiń esimderi resmi túrde jariialanady.
Ulttyq mádeniettiń airyqsha oqiǵasyna ainalǵan bul joba - aty ańyzǵa ainalǵan óner iesi Roza Baǵlanovanyń bai murasyn ulyqtap, onyń shyǵarmashylyǵyn jańa býynǵa keńinen tanytýǵa baǵyttalǵan biregei mádeni platforma.
Konkýrsty Roza Baǵlanova atyndaǵy «Qazaqkontsert» memlekettik akademiialyq kontserttik uiymy uiymdastyrady.
