Kanada koroldik áskeri áýe kúshteriniń málimetinshe, Britan Kolýmbiiasynyń Kamlýps qalasynda kanadalyq qarýly kúshterdiń Snowbirds ushaǵy apatqa ushyraǵan. Oqiǵa saldarynan bir adam mert bolyp, ekinshisi jaraqat aldy. Bul týraly CNN agenttigi.
«Biz CF Snowbirds komandasy músheleriniń biri qaitys bolǵanyn, ekinshisi aýyr jaraqat alǵanyn habarlaimyz» dedi koroldiktiń resmi ókili Twitter paraqshasyndaǵy habarlamasynda.
Ol sondai-aq oqiǵa boiynsha qosymsha aqparat jaqyn arada belgili bolatynyn atap ótti.
Bilik ushaq apaty týraly habarlamany tańerteń saǵat 11:42-de alǵan. Snowbirds ushaǵy Vankýverden soltústik-shyǵysqa qarai 150 mil jerde ornalasqan Kamlýps qalasynyń Glenviý-aveniýdegi úige soǵylǵan.
Snowbirds el turǵyndary úshin áýeshoýyn kórsetedi.
Kanada Qarýly kúshteriniń áskeri qyzmetshilerinen jáne Ulttyq qorǵanys memlekettik qyzmetiniń qyzmetkerlerinen turatyn komanda 2 mamyrda Covid-19 virýsynyń taralýyna qarsy kúreske óz úlesin qosqan kanadalyqtardy qoldaý úshin áýeshoý ótkize bastady.
Qaýipsizdik jáne retteý organdary apattyń sebepterin tekserýdi bastady. Áskeri qyzmetkerler Kamlýpske tergeý toby jiberilgenin habarlady. Olar sondai-aq ushaqtyń apatqa ushyraý sátin kameraǵa túsirip úlgergen kez kelgen adamnyń habar berýin suraidy.
