Erteńnen bastap qalamańy jolaýshylar poiyzdarynyń qozǵalysy toqtalady. Bul týraly QR Bas memlekettik sanitar dárigeri Aijan Esmaǵambetova aitty, dep habarlaidy "Ult aqparat".
«COVID-19 aýrýynyń baqylaýsyz ósýine jol bermeý jáne densaýlyq saqtaý júiesiniń júktemesin azaitý maqsatynda Memlekettik komissiia osy jylǵy 5 shildede 00-00 saǵattan bastap 14 kúndik qatań shekteý karantindik sharalaryn engizý týraly sheshim qabyldady», - dedi ol Ortalyq kommýnikatsiialar qyzmetindegi brifing barysynda.
Osyǵan bailanysty 3 shildede QR QR Bas memlekettik sanitar dárigeriniń 44-shi qaýlysy shyqty.
«Qaýlyǵa sáikes, óńirler arasynda áýe qatynastarynyń sany men reister jiiligi arttyrylmai saqtalady. Jolaýshylardy temir jol kóligimen tasymaldaý qysqartylady. Qalamańy jolaýshylar poiyzdarynyń qozǵalysy toqtatylady. Jolaýshylardyń jalpy vagondary jasaqtalmaidy», - dedi Aijan Esmaǵambetova.
