1 mamyrdan bastap Qazaqstan qalalary arasynda áýe tasymaldary qaita jandanyp keledi. Osy oraida jolaýshylar «basqa qalaǵa ushý úshin jumys ornynan, ákimdikten anyqtama, tirkeý qajet pe, emdelý, qydyrý, jumys syndy ushý sebebin kórsetemiz be?» dep suraǵan edi. «Air Astana» áýe kompaniiasy bul suraqtarǵa jaýap berdi, dep habarlaidy "Ult aqparat".
«Eger qala karantinge jabyq bolmasa, jolaýshylar emin-erkin bilet alyp, usha alady. Ol úshin eshqandai anyqtama talap etilmeidi. Koronavirýs infektsiiasyna PTR test tapsyrý talaby da 11 mamyrda alynyp tastaldy. Biraq, qorǵanys betperdesin kiiý, áýejaidaǵy áleýmettik qashyqtyq jáne dene qyzýyn ólsheý sharalary kúshinde qalady», - dep jaýap berdi áýe kompaniiasynyń baspasóz qyzmeti.
Kompaniia barlyq rásimderdi oryndaý úshin jolaýshylardyń ushýdan 2 saǵat buryn áýejaiǵa kelýi kerektigin aitty.
«Ushaq bortyndaǵy taǵam bir rettik ydys-aiaqta beriledi. Tamaqtanǵan soń jolaýshylar qaitadan betperde kiip, reis boiy taǵyp otyrý tiis.12 mamyrdan bastap «Air Astana» Qazaqstannyń basqa qalalarynda ashylyp jatqan áýejailarda ishki baǵyttar jelisin qalpyna keltire bastady. Barlyq ózekti aqparatty jolaýshylar resmi saitymyzdan nemese áleýmettik jelidegi paraqshalarymyzdan bile alady», - deidi áýe kompaniiasy.
