Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly biyl Qadyr túnin meshitte qarsy alýǵa shekteý qoiylatynyn málim etti, dep habarlaidy "Ult aqparat".
«Osy rette biyl Qadyr túnine mamyr aiynyń 19-nan 20-na qaraǵan túnge sáikes keledi. Bul túndi úide qarsy alý kerektigin basa aitqym keledi. Meshitterimiz ashylǵanymen, kúndiz tańǵy saǵat jetiden keshki saǵat segizge deiin ashyq bolady. Joǵaryda atap ótkenimdei, elimizde tótenshe jaǵdai rejimi aiaqtalǵanymen juqpaly indettiń qaýpi tolyq seiilgen joq», - dedi Bas múfti OKQ-da ótken baspasóz máslihatynda.
Eske sala ketsek, buǵan deiin Bas múfti Naýryzbai qajy Taǵanuly 18 mamyrdan bastap meshitke keletin jamaǵatqa úndeý tastaǵan bolatyn.
