Túrkistan oblysynda jyl basynan beri mobildi toptar 400-dei tyiym salynǵan otbasylyq, merekelik is-sharalar uiymdastyrylǵanyn anyqtady. Onyń 225-i qoǵamdyq tamaqtaný oryndarynda, qalǵany turǵyndardyń óz aýlasynda ótkizilgen, dep habarlaidy "Ult aqparat".
Epidemiologiialyq tekserýler barysynda infektsiianyń boljamdy juqtyrý kózderi anyqtaldy.
Oǵan sáikes, qaýipti keseldi juqtyrǵandardyń 75%-ǵa jýyǵy virýsty merekelik, otbasylyq sharalar kezinde, kópshilik oryndarda COVID-19 koronavirýsty infektsiiasyn juqtyrǵan.
Oblys aýmaǵynda aýdandyq, qalalyq ákimdigi janynan qurylǵan 127 mobildi top tarapynan júrgizilgen monitoring jumysynyń tiimdiligi kúrt tómendegen.
«Qaitadan beleń alyp bara jatyr aýrý. Monitoring emes, tekserýdi kúsheitý kerek. Kórip otyrmyn, kei aýdandarda aiqailap turyp toi jasap jatyr. Betashary bolsyn, basqasy bolsyn. Qadam bassań, barlyq jerde toi bolyp jatyr. Eldegi epidemiologiialyq jaǵdaidy bile tura, toi jasaǵandardy toqtatý kerek»,-dedi Ómirzaq Shókeev.
Óńirdegi epidemiologiialyq ahýal baiandalǵan kezekti aptalyq apparat otyrysynda sońǵy kórsetkishter ortaǵa salyndy.
Kórsetkishter kóńil kónshitpeidi. Osyǵan orai barlyq aýdan, qala ákimderi qatań synǵa ushyrady.
Eldegi epidemiologiialyq ahýaldy bile tura, sanitarlyq talaptardyń saqtalýyn baqylaý maqsatynda tynymsyz júrgizilip kele jatqan tekserýlerdi elemegenderge jaza, jaýapty basshylarǵa shara qoldanylmaq.
Mamyr aiynan beri KVI-men aýrý/bailanysta bolǵan úi karantindik rejimin saqtaýy tiis 35 adamnyń Ashyq baǵdarlamasymen jumys isteitin nysandarǵa barǵany anyqtaldy.
Onyń ishinde 9 - «qyzyl», 26 - «sary» statýstaǵylar. Aýmaqtyq SEB basqarmalary tarapynan 31 adamǵa qaýly shyǵarylyp, eskertý berildi.
Mobildi toptar jáne politsiia qyzmetkerleri tarapynan SEB basqarmalaryna 4 myńǵa jýyq baianat tústi.
Onyń ishinde 3 myńǵa jýyǵyna ákimshilik hattama toltyrylyp, 160 mln teńge aiyppul salyndy.
Karantin rejimin buzǵan 31 nysannyń jumysyn toqtatý boiynsha talap aryzdar sotqa ótkizildi.
Sottyń sheshimimen 16 nysannyń jumys toqtatyldy. Qalǵan 15 talap aryz boiynsha materialdar sotta qaralyp jatyr.
