Polshada ótetin Junior Eurovision-2020 baiqaýyna Qazaqstan atynan qatysatyn jeńimpaz anyqtaldy, dep habarlaidy «Habar» agenttiginiń baspasóz qyzmeti.
Búgin «Habar» arnasynyń tikelei efirinde «Junior Eurovision 2020» halyqaralyq án baiqaýynyń ulttyq irikteýiniń finaly ótti. Baiqaýda Almaty oblysy Rysqulov aýylynan kelgen Qaraqat Bashanova jeńiske jetti.
Jas ánshi ákesine arnalǵan «Forever» ánin oryndady. Kompozitsiiany ótken jyly Junior Eurovision-de óner kórsetken Erjan Maksimniń «Armanyńnan qalma» ániniń avtory Hamit Shanǵaliev shyǵardy. Qaraqat kórermenderdiń jáne qazylar alqasynyń daýys berý nátijeleri boiynsha jeńimpaz dep tanyldy. Endi Qaraqat Qazaqstannyń atynan halyqaralyq grand-finalda óner kórsetetin bolady.
Ulttyq irikteýdiń finalyna elimizdiń túkpir-túkpirinen kelgen on eki bala qatysty. Olardyń arasynda Saipolda Islam (11 jas, Nur-Sultan), Býrhanova Adiia (12 jas, Almaty), Jumajan Aidana (14 jas, Almaty), Manarbekqyzy Aqjibek (14 jas, Nur-Sultan), Makim Jan (11 jas, Almaty), Mýkitanova Aiym (13 jas, Kókshetaý), Ǵazizqyzy Kamila (13 jas, Nur-Sultan), Altynbekqyzy Saniia (13 jas, Semei q.), Tursynova Mahinýr (14 jas, Almaty q.), Kýsanova Nurshat (10 jas, Atyraý), Tileýbek Áikerim (13 jas, Nur-Sultan) jáne Bashanova Qaraqat (12 jas, Almaty oblysy Talǵaraýdany Rysqulov aýyly) bar.
Gala-kontsertte finalister elimizdiń tanymal kompozitorlarynyń arnaiy jazǵan avtorlyq ánderimen óner kórsetti.
Úmitkerlerdi tańdaǵan qazylar alqasynyń quramynda «Qazaqkontsert» memlekettik kontsert uiymynyń direktory Jeńis Seidollauly, «Habar» telearnasynyń direktory Dinara Bisembina, ánshi-kompozitor Qairat Baekenov, Dimash Qudaibergenniń saýndprodiýseri Erlan Bekchýrin, T. Júrgenov atyndaǵy Qazaq ulttyq óner akademiiasynyń dekany, prodiýser Baǵym Muhitdenova jáne halyqaralyq mýzyka baiqaýlarynyń jeńimpazdary - Janar Duǵalova, Ámire, Dinaya jáne Mádi Syzdyqov boldy.
«Junior Eurovision-2020» ulttyq irikteýi 4 kezeńde ótti. Qazaqstannyń barlyq óńirinen barlyǵy 684 ótinim kelip tústi. Ekinshi kezeńde qazylar alqasy 30 qatysýshyny tańdap aldy, olardyń arasynan onlain daýys berý nátijeleri boiynsha 12 finalistiń esimderi belgili boldy.
«Junior Eurovision» baiqaýynyń finaly 29 qarashada onlain formatta ótedi. Álemniń 13 elinen 9-14 jas aralyǵyndaǵy jas vokalister baq synaityn bolady. Qazaqstan saiysqa úshinshi ret qatysady. Elimizdiń aitýly sharaǵa qatysýy «Habar» Agenttiginiń 2016 jyldan beri Eýropalyq habar taratý odaǵynyń (EVU) qaýymdasqan múshesi atanýynyń arqasynda múmkin bolyp otyr.
Biyl baiqaýdyń ótýine Qazaqstan Respýblikasynyń Mádeniet jáne sport ministrligi qoldaý bildirdi.
