Koronavirýstyń taralýyna qarsy vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
Vaktsinatsiia tólqujatymen Pragaǵa. Chehiia «Spýtnik V» nemese Sinopharm vaktsinasyn alǵan Slovakiia, Vengriia jáne Serbiia turǵyndaryna PTR zertteýdiń teris nátijesi bar anyqtamasyz, sondai-aq, mindetti karantinsiz elge kirýge ruqsat berdi.
Bul týraly Chehiianyń densaýlyq saqtaý ministri Adam Voiteh málimdedi.
Betperde kiiý talaby alyndy. Búginnen bastap Izraildiń turǵyndary qoǵamdyq orynda qorǵanys maskasyn kiiýge mindetti emes.
Bul – koronavirýs pandemiiasyna bailanysty engizilgen sońǵy shekteýlerdiń biri.
Tek sheteldikterdiń elge kirýine tyiym salatyn talaptar alynǵan joq.
Izrailge tek erekshe otbasylyq nemese jumys jaǵdailary boiynsha kirýge ruqsat etilgen.
Nepalda koronavirýs infektsiiasymen kúresti júrgizýge qajetti dári-dármek tapshy.
Pandemiia saldarynan aýrýhanalarda bos oryn joq. Munda eń qajet degen dári-dármekter men qurylǵylardyń tapshylyǵy baiqalýda.
Halyqaralyq uiymdar qaýymdastyqty Nepalǵa gýmanitarlyq kómek retinde ottegi ballondaryn, ókpeni jasandy jolmen jeldetý apparattaryn jáne COVID-19-ǵa qarsy ekpelerdi jetkizýge shaqyrady.
28,6 mln halqy bar Nepalda sońǵy táýlikte koronavirýstyq infektsiiaǵa shaldyǵý jaǵdailarynyń sany 2 049-ǵa artyp, 610 521-ge jetti.
