Foto: áleýmettik jeliden
Shamamen bir jarym jyldan beri izdeýde júr degen aqparat taraǵan bloger Aǵlan Aqpan Almaty taýlarynda ótken biznes-tańǵy asta baiqaldy. Ol eks-prezidenttiń nemeresi Nuráli Áliev uiymdastyrǵan kásipkerlerge arnalǵan kezdesýge qatysqan, dep habarlaidy Ult.kz.
Kezdesýden taraǵan foto-videolar jelide qyzý talqyǵa túsip, qoldanýshylar blogerdiń erkin júrgenine tańdanysyn bildirdi. “Nege adamdardy aldaǵan adamdy eshkim ustamaidy?” degen saýal jii qoiyldy.
Aǵlan Aqpan ózine qatysty “izdeýde júr” jáne “qylmystyq is qozǵalǵan” degen aqparatty joqqa shyǵardy. Ol qarjylyq mindettemeleriniń bir bóligin ótegenin, qalǵanyn kezeń-kezeńimen qaitarýǵa tyrysatynyn aitty. Sonymen qatar, sot sheshimi boiynsha kompaniiasynyń jumysy ýaqytsha toqtap, tolyqqandy tabys taba almai otyrǵanyn jetkizdi.
Bloger viza máselesine qatysty da túsinikteme berip, eshbir týristik agenttik oń sheshimge kepildik bere almaitynyn, qiyndyq týǵan sátte seriktesteriniń jaýapkershilikten bas tartqanyn aitty. Degenmen, ol qarjylyq mindettemelerin óz betinshe oryndap jatqanyn atap ótti.
