"Rio-de-Janeiroda ótip jatqan HHHI Olimpiada oiyndarynda bokstan 91 keliden joǵary salmaq dárejesinde óner kórsetetin otandasymyz Ivan Dychko jartylai finaldyq jekpe-jekte britan boksshysy Djozef Djoisty jeńilip, qola medaldy mise tutty", - dep habarlaidy "Ult aqparat".
Birinshi raýndta tóreshiler qazaqstandyq boksshyǵa jeńisti bergen. Al ekinshi jáne úshinshi raýndta ulybritaniialyq boksshynyń belsendiligi baiqaldy. Qorytyndy esep – 1:2 (28:29, 28:29, 28:29)
Eske sala keteiik, Ivan alǵashqy kezdesýin ázirbaijandyq Magomedrasýl Medjidovke qarsy ótkizip, tehnikalyq nokaýtpen jeńgen bolatyn. Al, shirek finalda ol nigeriia boksshysy Efe Adjagbany tize búktirip, jartylai finalǵa joldama alǵan edi.
Biylǵy jyly bokstan erler quramasy alǵash ret Olimpiada oiyndaryna tolyq quramda barǵan edi. Ázirge boksshylarymyzdyń enshisinde bir altyn, eki kúmis júlde bar. 69 keli salmaq dárejesinde óner kórsetken Daniiar Eleýsinov altyn júlde iemdense, 91 keli salmaq dárejesinde baq synaǵan Vasilii Levit pen 81 kelide judyryqtastqan Ádilbek Niiazymbetov Rio Olimpiadasynyń kúmis júldegeri atanǵan edi.
Ult portaly
