Foto: pxhere.com
Abai oblysynyń bas imamy Asqar Muqanov Úrjarda bolǵan qaiǵyly oqiǵa men aýyl meshitiniń imamyna qatysty pikir bildirdi, dep habarlaidy El.kz aqparat agenttigi.
Bas imamnyń sózinshe, oqys oqiǵa 14 qazan kúni saǵat 11:50 ýaqyt shamasynda bolǵan.
"Abai oblysy Úrjar aýdany, Úrjar aýyldyq meshitiniń imamy Qaiyrbek Aqjigitov abaisyzda jeke kóligimen Úrjar aýylynyń ishinde 5-synyp oqýshysy Nurai Symbatqyzyn qaǵyp ketedi. Óziniń jáne kýágerlerdiń aitýynsha kólik jyldamdyǵyn saǵatyna 40 shaqyrym/saǵattan asyrmaǵan. Qyz balany kóshede bóten it qýalaǵan, sonyń saldarynan qyz bala abaisyzda jol ortasyna júgirip shyqqan. Kólikti júrgizýshi Qaiyrbek imam kólikti toqtatyp úlgermegen. Osydan keiin Qaiyrbek Qalibekuly zardap shegýshini dereý aýrýhanaǵa jetkizgen. Ókinishke qarai jas qyz bala aýyr jaraqattan ota ústinde qaitys boldy. Oqiǵa bailanysty tergeý jumystary júrgizilýde", - deidi Asqar Muqanov.
Ol Qaiyrbek imam birneshe jyldan beri Úrjar aýyldyq meshitinde abyroimen qyzmet etip kele jatqan din mamany dep otyr.Qyzmet barysynda qandaida bir tártip nemese ereje buzǵan jaǵdailary oryn almaǵan.
"Bundai oqys jaǵdai birinshi ret oryn alyp otyrǵanyn málimdeimin", - deidi Abai oblysynyń bas imamy.
