Foto: Olympic.kz
Italiianyń Milan jáne Kortina-d’Ampetstso qalalarynda ótken XXV qysqy Olimpiia oiyndary Qazaqstan sportshylary úshin aitýly nátijemen aiaqtaldy, dep habarlaidy Ult.kz.
Dúbirli dodanyń qorytyndysy boiynsha elimizdiń ulttyq quramasy 1 altyn medal ielenip, jalpykomandalyq esepte 94 memlekettiń ishinde 19-orynǵa taban tiredi. Bul aitýly jeńistiń basty keiipkeri — mánerlep syrǵanaýdan ulttyq qurama kóshbasshysy Mihail Shaidorov boldy. Ol muz aidynynda teńdessiz óner kórsetip, Qazaqstan qorjynyna jalǵyz, biraq óte salmaqty altyn júldeni saldy.
Bul jetistiktiń mańyzy óte zor, sebebi otandyq sportshylar 1994 jyldan beri alǵash ret Olimpiadanyń eń myqty 20 eliniń qataryna qosylyp otyr. Osylaisha, Qazaqstan qysqy sport túrlerinde dástúrli túrde myqty sanalatyn Finliandiia, Polsha jáne Belgiia quramalaryn artta qaldyryp, álemdik arenada óz ornyn nyqtady.
Biylǵy aq Olimpiadada el namysyn 10 distsiplina boiynsha 36 atlet qorǵady. Olardyń arasynda 18 er jáne 18 áiel sportshy baryn salyp, elimizdiń abyroiyn asqaqtatty.
