Ispaniia eldegi koronavirýstan qaitys bolǵan 28 myńnan astam adamdy eske aldy, dep habarlaidy "Ult aqparat".
Koroldik juptyń basshylyǵymen Madridte ótken is-sharaǵa 50-ge jýyq qonaq qatysty. Olardyń qatarynda qurban bolǵandardyń týystary, eldiń laýazymdy tulǵalary, Eýrokomissiia, Eýroparlament jáne Eýropa odaǵy basshylary bar.
Korol Filipp virýs saldarynan jaqyndarynan aiyrylǵandardyń barlyǵyna kóńil aitty.
«Bul daǵdarys bizge synaq boldy. Sonymen qatar, ol óz ómirin qaýipke tige otyryp, basqalarǵa adaldyǵyn saqtap, qaisarlyq tanyta alatyn azamattardyń bar ekenin kórsetti», - dep atap ótti ol.
Monarh memleket kómekteskenderdiń bárine qaryzdar ekenin aityp, ispan halqyn birlikke shaqyrdy. «Alǵa qadam basý úshin bilimdi, qaisar jáne iske adal bolý kerek» ekenin atap ótti.
Rásim meksikalyq aqyn Oktavio Pastyń «Únsizdik» óleńimen aiaqtalyp, sodan keiin bir minýt únsizdik jariialandy.
Ispaniia – koronavirýstan qaitys bolǵandar sany boiynsha Eýropa elderiniń arasynda tórtinshi orynda tur.
Epidemiia 28,4 myń adamnyń ómirin qidy, virýs juqtyrǵandar sany 304,5 myń adamnan asty.
