Ózbekstan prezidenti Islam Kárimovtiń týǵan jeri Samarqanda memleket basshysyn jerleý rásimine daiyndyq jumystary júrip jatyr. Bul týraly 1 qyrkúiekte "Ferǵana" portaly, "Ozodlik radiosi" jáne "Ózbekstannyń halyq qozǵalysy" saity habarlady.
"Ózbekstan basshysynyń ólimi áli kúnge resmi túrde jariialanbady. Bizdiń málimetimizshe, juma kúni resmi túrde jariialanady. Al senbide, 3 qyrkúiekte 78 jastaǵy prezienttiń denesi jer qushaǵyna beriledi", - dep jazdy "Ferǵana". Basylymnyń málimetinshe, prezidenttiń denesi bar ushaq Tashkentten ushyp shyǵypty.
Agenttik tipti jerleý rásimine bailanysty atqarylyp jatqan qurylys jumystarynyń sýretterin de jariialap otyr.
Al óz kezeginde "Svoboda" radiosy Samarqanǵa Ózbekstan premer-ministri Shavkat Mirziiaevtiń kelgenin habarlap otyr. Radiostantsiianyń málimetinshe, qalanyń bir bóligi qorshaýǵa alynǵan, kóshede myńdaǵan abattandyrýshy jumys istep jatyr.
