Almatyda «Iskerlik jýrnalistika» kitabynyń tusaýy kesildi. Jas jýrnalisterge kómekshi qural retinde qurastylǵan kitapty birneshe avtor birigip jazǵan, – dep habarlaidy Ult aqparat. Ideia avtory jáne joba jetekshisi «Iskerlik jýrnalistika mektebin» uiymdastyrýshy, 7kun.kz isker jańalyqtar saitynyń negizin qalaýshy Erbol Azanbek.
«Jýrnalisterge nusqaýlyq túrinde «Iskerlik jýrnalistika» kitabyn qurastyrý Oral, Shymkent qalalaryndaǵy jýrnalistermen kezdestik, sondai-aq BAQ ókilderiniń pikir, usynystaryn jinadyq. Sonyń negizinde kitap jazyldy. Qazaqstandaǵy AQSh elshiliginiń qoldaýymen jaryq kórgendikten kitapty Qazaqstandaǵy media uiymdarǵa, jýrnalistika fakýltetterine tegin taratamyz. Al qalaǵan adam elektrondy nusqasyn 7kun.kz saitynan júktep ala alady. Bul jobany qoldap, ainalamyzdy ózgertýge múmkindik bergen azamattarǵa alǵysym sheksiz» dedi Erbol Azanbek.
Oqýlyqta «Ekonomika, qarjy, biznes taqyryptarynda qalai jazýǵa bolady?» degen suraqqa jaýap jáne media ókilderi úshin naqty keńester beredi. Avtorlar quramynda Ásiia Akisheva, Alibek Alliiarov, Erbol Azanbek, Sholpan Aitenova, Erbol Azanbek, Esengúl Kápqyzy, Dinmuhamed Ziiadin, Ashat Erkimbai siiaqty belgili media mamandary bar. Al qazaqstandyq jýranalister tájiribesinen Oleg He, Mira Halina, Gúlzat Nurmoldaqyzy men Ainul Kargalinova bólisken.
Kitapta ekonomika, aqrjy, biznes taqyryptarynda jazǵysy keletin jýrnalisterge arnalǵan keńester, aqparattar men mýltimediia quraldary qamtylǵan.
Kómekshi quralda tájiribesimen bólisken Gúlzat Nurmoldaqyzy bul taqyrypqa qalai kelgeni, qalai bastaǵany týraly jaza kele negizgi máselelerdi de atap ótedi. Eńbektiń tanysytyrylymynda bul kitaptyń berer múmkindigi mol ekenin jetkizdi.
«Buryn biz ár sandy tiisti vedomstvalarǵa baryp, anyqtap, taldap jazatynbyz. Sebebi ol kezde tehnika, iskerlik sala damymaǵan edi. Biz alǵash ret munai-gaz ken oryndary týraly qalam terbeý úshin Atyraýǵa barǵanbyz. Qazir múmkindikter bar, jazamyn degen jýrnalisterge bul kómekshi qural biznes, qarjy, ekonomika taqyrybynda arnaiy nusqaýlyq ispetti. Munda málimetterdi alatyn derekkózderden bastap, maqalany jarnamalaýǵa deiin barlyǵy qamtylǵan» dedi G.Nurmoldaqyzy.
Aita keteiik, «Iskerlik jýrnalistika» kómekshi quraly 1000 danamen shyqqan. Suranysqa qarai qazaq jýrnalisteri men jýrnalistika mamandyǵy oqytylatyn joǵary oqý oryndaryna tegin taratylyp jatyr.
