QR Ishki ister ministri Erlan Turǵymbaev áleýmettik jelige nelikten tirkelmeitindiginiń sebebin túsindirdi, dep habarlaidy QazAqparat.
«Qalamaǵanymnan emes. Óitkeni, bizdiń bólimshelerimiz óte úlken. Ishki ister ministrliginiń jeke quramynda 148 myń qyzmetker bar. 4 iri bólimshe - bul politsiia bólimshesi, Ulttyq gvardiia, Qylmystyq atqarý júiesi komiteti jáne Tótenshe jaǵdailar jónindegi komitet. Óte kóp oqiǵa oryn alyp jatady. El aýmaǵynda bir táýlikte 400-500, jylyna 230-240 myń qylmys oryn alady. Sondyqtan tek meniń blogyma ǵana kúndelikti 500-ge deiin saýal túsedi. Eger ózime akkaýnt ashatyn bolsam, onda 24 saǵat sonda otyryp, saýaldarǵa jaýap berýime týra keledi», - dedi Erlan Turǵymbaev Ortalyq kommýnikatsiialar qyzmetinde ótken brifingide BAQ ókilderiniń saýalyna orai.
Ministrdiń aitýynsha, azamattardan kelip túsetin túrli saýaldarǵa tyńǵylyqty jaýap berý úshin arnaiy departament qurylǵan. Onyń quramyna áleýmettik jelige monitoring jasaý toby jáne basqa da qyzmetterdiń ókilderi kiredi.
«Ishki ister ministriniń tikelei atyna kelip túsetin shaǵymdar men júginýlerdi ózim qarap, qolymdy qoia otyryp, jaýap beremin», - dedi ol.
