Foto: Aa.com.tr
Islam revoliýtsiiasy saqshylary korpýsy «revoliýtsiia kóshbasshysynyń sheiit bolǵanyn» habarlady. Fars agenttigi Hameneidiń tańerteń jumys ornynda óltirilgenin jazdy, dep habarlaidy Ult.kz.
Elde 40 kúnge jalpyulttyq aza tutý jariialanyp, jeti kún resmi demalys berildi. Islam revoliýtsiiasy saqshylary korpýsy Iran qarýly kúshteri tarihyndaǵy «eń qýatty shabýyl operatsiiasyn» júrgizýge ýáde berdi.
AQSh prezidenti Donald Tramp Hameneidiń ólimin «iran halqy úshin jáne iran rejimi óltirgen barlyq adamdar úshin ádildik» dep atady.
«Biz olardyń Islam revoliýtsiiasy saqshylary korpýsynyń, armiiasynyń jáne basqa da qaýipsizdik kúshteri men politsiiasynyń kóptegen ókilderi endi soǵysqysy kelmeitinin jáne bizden immýnitet izdep jatqanyn estip otyrmyz. Keshe keshke aitqanymdai: “Qazir olar immýnitet ala alady, al keiin olardy tek ólim kútedi!”. Islam revoliýtsiiasy saqshylary korpýsy men politsiia irandyq patriottarmen beibit túrde birigip, el laiyqty ulylyqty qaita qalpyna keltirý úshin birtutas kúsh retinde jumys isteidi dep úmittenemin», — dep jazdy Tramp Truth Social jelisinde.
AQSh prezidenti sondai-aq jappai bombalaýlar taǵy bir aptaǵa nemese «Taiaý Shyǵysta jáne túptiń túbinde búkil álemde beibitshilikke qol jetkizý maqsatyna jetkenge deiin qansha qajet bolsa, sonsha ýaqytqa» jalǵasatynyn málimdedi.
Tegeranda sondai-aq Áli Hameneidiń qyzy, kúieý balasy, nemeresi jáne kelinderiniń biri qaza tapty.
Irannyń joǵarǵy jetekshisi Áli Hameneidiń tórt otbasy múshesi — qyzy, kúieý balasy, nemeresi jáne kelinderiniń biri — Izrail men AQSh soqqylary saldarynan qaza tapty. Bul týraly Islam revoliýtsiiasy saqshylary korpýsymen bailanysty Fars agenttigi habarlady.
CBS News málimetinshe, shamamen 40 irandyq sheneýnik qaza bolǵan.
Iran biligi 40 kúndik aza tutý jariialady. Qaiǵy belgisi retinde aldaǵy 7 kún jumys kúni emes dep jariialandy.
