Aqmola oblysynda azamattarǵa jalǵan utys uiymdastyryp, iPhone smartfonyn alý úshin aqsha talap etken kúdikti anyqtaldy. Kiberpolitsiia qazir onyń áreketine qatysty qylmystyq isti tergep jatyr, dep habarlaidy ult.kz.
Aqmola oblysy politsiia departamentiniń málimetinshe, qazirgi ýaqytta alaiaqtyń áreketinen zardap shekken eki adam anyqtalǵan. Olar — Býrabai aýdany men Almaty oblysynyń turǵyndary. Alaida politseiler aldanǵandar sany budan da kóp bolýy múmkin ekenin joqqa shyǵarmaidy.
Tergeý barysynda kúdiktiniń Jetisý oblysynyń 33 jastaǵy turǵyny ekeni anyqtalǵan. Ol buǵan deiin taýar satý jáne jetkizýmen ainalysatyn kompaniiada jumys istegen. Jumystan ketkennen keiin er adam kompaniianyń klienttik bazasyn zańsyz iemdenip, buryn osy kásiporynnan taýar satyp alǵan azamattarǵa habarlasqan.
Kúdikti olarǵa utys oiynynda jeńimpaz atanǵanyn aityp, iPhone smartfonyn «utyp alǵanyn» jetkizgen. Alaida júldeni alý úshin ony jetkizý aqysy retinde 55 myń teńge tóleý kerekdegen.
Buǵan deiin atalǵan kompaniianyń qyzmetin paidalanǵan azamattar qońyraýǵa kúmán keltirmegen. Nátijesinde onyń sózine senip, kórsetilgen derektemelerge aqsha aýdarǵan.
Qazir politsiia oqiǵanyń barlyq mán-jaiyn anyqtap jatyr. Sonymen qatar kúdiktiniń osyǵan uqsas basqa da qylmysqa qatysy bar-joǵy tekserilýde.
Kiberpolitseiler azamattarǵa kútpegen jerden kelgen «utystarǵa» saqtyqpen qaraýǵa keńes beredi. Ásirese júldeni alý úshin aldyn ala aqsha aýdarýdy talap etse, mundai usynysqa senbegen jón.
