Apple kompaniiasy jańa iPhone 7 smartfonyn 2016 jyldyń 7 qyrkúieginde tanystyrady, - dep habarlaidy Bloomberg derekkózderge silteme jasap.
Basylymnyń málimetinshe, jańa smartfondar 16 qyrkúiekten bastap satylymǵa shyǵýy múmkin. Sonymen qatar, osy kúni Apple kompaniiasynyń ókilderi jańartylǵan dizainy men pernetaktanyń joǵarǵy bóliginde sensorlyq paneli bar Macbook Pro modeliniń jańa nusqasyn tanystyrady. Alaida basylymdaǵylar bul málimetterdi teriske shyǵaryp otyr. Olardyń aitýynsha, Apple kompaniiasy jańa noýtbýktardy basqa kúni tanystyrady.
Osyǵan deiin tanymal bloger Evan Blass iPhone 7 jáne 7 Plus gadjetteriniń shyǵatyn merzimin boljaǵan edi. Bloger Apple korporatsiiasy jańa iPhone 12 qyrkúiekten keiingi bir aptanyń ishinde shyǵarýy múmkin dep boljaǵan. Keiin @evleaks jańa iPhone satylymǵa 16 qyrkúiekte shyǵady degen bolatyn. Keiinirek Blass málimetterdi naqtylap, aldyn ala tapsyrys berýdiń 9 qyrkúiekten bastalatynyn aitty.
Aita keteiik, Apple kompaniiasy sońǵy tórt iPhone óniminiń tanystyrylymy men satý naýqanyn kyrkúiek aiynyń ortasynda uiymdastyryp júr.
