Foto: Ashyq derekkózden
Internettegi ata-ana baqylaýy qyzmetteri qandai? Bul týraly QR Mádeniet jáne aqparat ministrliginiń resmi saity málimet jariialady, dep habarlaidy Ult.kz.
Qazirgi ýaqytta aqparattyq tehnologiialar, uialy bailanys, teledidar mańyzy arta túsýde. Internet tek aqparat kózi ǵana emes, sonymen qatar qarym-qatynas, oiyn-saýyq jáne bilim berýdiń ámbebap ortasyna ainaldy. Internet qoldanýshylarynyń sany da kún saiyn artyp keledi. Internettiń úzdiksiz ósýine jáne aýqymynyń keńeiýine bailanysty ondaǵy zańsyz materialdardyń da sany kóbeiýde. Qazirgidei tsifrlyq álemde balalardy jelidegi qaýipterden qorǵaý mańyzdy máselege ainaldy. Memlekettik organdar osyndai qaýipterge qarsy turý úshin barlyq qajetti sharalardy qabyldaýda. Degenmen, internettegi zańsyz áreketter máselesin tek memlekettik qurylymdardyń kúshimen sheshý múmkin emes. Sondyqtan, BAQ salasyndaǵy zańnamalyq talaptardyń oryndalýyn qadaǵalaityn QR Mádeniet jáne aqparat ministrligi ata-analar úshin qoljetimdi sheshimder sholýyn usynady.
Ata-ana baqylaýy servisteri zańsyz kontentke qol jetkizýdi shekteýge, onlain-áreketterdi qadaǵalaýǵa jáne qurylǵylardy paidalaný ýaqytyn baqylaýǵa kómektesedi.
Ata-ana baqylaýyna arnalǵan tanymal qosymshalar:
- Kaspersky Safe Kids: saittardy buǵattaý, geolokatsiia, belsendilik týraly esepter.
- Dr.Web Security Space: antivirýs jáne ata-ana baqylaýy, kontentti súzý.
- Qustodio (Ispaniia): kontentti súzý, ekran ýaqytyn shekteý, áleýmettik jelilerdi baqylaý.
- Net Nanny (AQSh): kontentti buǵattaý, ekran ýaqytyn shekteý jáne ornalasqan jerdi qadaǵalaý.
- Norton Family: saittardy súzý, paidalaný ýaqytyn shekteý jáne izdeý suraýlaryn qadaǵalaý.
- Kidslox: ekran ýaqytyn shekteý, qosymshalardy buǵattaý jáne ornalasqan jerdi qadaǵalaý.
- Parental Control Kroha (Ýkraina): qosymshalardy buǵattaý, veb-baqylaý, belsendilikke monitoring jasaý.
- Google Family Link: Android júiesinde belsendilikti baqylaýǵa arnalǵan tegin qosymsha. Ata-ana men balanyń qurylǵylaryna ornatý qajet.
- Kidlogger: belsendilikti qadaǵalaýǵa múmkindik beretin passivti baqylaý.
- Kiristirilgen múmkindikter: Android úshin Google Play arqyly, iOS úshin — geopozitsiiany qadaǵalaý úshin «Ekran ýaqyty» jáne «Ornalasqan jerdi anyqtaý».
- TikTok Family Pairing: jasóspirimderdiń TikTok qoldanýyn baqylaý, ekran ýaqytyn shekteý jáne kontentti súzý múmkindigimen.
