Qazaqstan quramasynyń aýyr atletikadan bas bapkeri Aleksei Ni Riodaǵy Olimpiada oiyndaryndaǵy Nijat Rahimovtyń jeńisin toilady, - dep habarlaidy Vesti.kz.
Aita keteiik, 77 keli salmaq dárejesinde ótken jekpe-jek aýyr boldy. Qazaqstandyq aýyratlet Rahimov julqa kóterýge úshinshi bolyp shyqty. Sóitip, 165 keli salmaqty eńserdi. Keiin ol 168 kelige tapsyrys bergen, aoaia kótere almady. Serpe kóterýde Rahimov ekinshi múmkindiginde 214 kelini kóterip, jalpy 379 keli nátijemen Olimpiada chempiony atandy. Al serpe kóterýde álem rekordyn jańartty.
Al Rahimov jeńiske jetkende, Aleksei Ni óz emotsiialaryn jasyra almady. Bas bapker tipti tuǵyrǵa shyǵyp, óziniń shákirtimen bilei bastady. Rahimovtyń ózi de bapkerinen qalyspai, bidi jalǵastyrdy.
© Izturǵan Aldaýev
Sondai-aq, Rio-de-Janeirodaǵy Olimpiada-2016 oiyndarynyń marapattaýy kezinde qazaqstandyq aýyratlet kóz jasyna erik berdi. Men ázirge Olimpiada chempiony ózin qalai seziný kerektigin bilmeimin. "Men kishkentai kezimnen bastaǵan osy kúnge deiin jetken jolymdy eske túsirip, jyladym. Qalai jattyqqanymdy, qalai jumys jasaǵanymdy. Men muny sózben jetkize almaimyn. Sondyqtan jyladym, ózimdi toqtata almadym", - dedi Rahimov basylymǵa bergen suhbatynda.
Aita keteiik, Aleksei Ni óziniń shákirtteriniń jeńisin osylaisha dástúrli túrde bi bilep, toilaidy eken. 2013 jyly sheteldik jankúierler bapkerdiń qýanyshyn jasyra almai, bi bilep jatqan sátterin videoǵa túsirip alǵan.
