Foto: ashyq derekkóz
Astanada Instagram arqyly jalǵan jarnama taratyp, 10 adamdy 7,7 mln teńgege taqyrǵa otyrǵyzǵan internet-alaiaq 6 jylǵa bas bostandyǵynan aiyryldy. Elorda prokýratýrasy memlekettik aiyptaýdy qoldap, sottalýshynyń kinásin tolyq dáleldep shyqty, dep habarlaidy Ult.kz.
Astana qalasynyń prokýratýrasy aqparattyq júielerdi paidalana otyryp, birneshe ret alaiaqtyq jasaǵan qala turǵynyna qatysty memlekettik aiyptaýdy qoldady. Sot talqylaýy barysynda aiyptaýshy tarap sottalýshynyń kinásin dáleldeitin jetkilikti aiǵaqtar keltirip, oǵan bas bostandyǵynan aiyrý túrindegi naqty jaza taǵaiyndaý qajettigin negizdedi.
Kináli tulǵa Instagram áleýmettik jelisinde tiimdi investitsiialar, arzan týristik joldamalar jáne shetelde jumysqa ornalastyrý týraly jalǵan jarnamalyq habarlandyrýlar ornalastyrǵan. Ol azamattardy jańylystyryp, olardyń senimin teris paidalaný arqyly jábirlenýshilerden aqshalai qarajat alyp otyrǵan. Alaida ózine alǵan mindettemelerin oryndamai, alynǵan aqshany óz múddesine jumsap jibergen.
Qylmystyq áreketterdiń nátijesinde 10 adam zardap shegip, olarǵa keltirilgen materialdyq zalaldyń jalpy somasy 7,7 mln teńgeden asty. Sot úkimimen kináli azamatsha 6 jylǵa bas bostandyǵynan aiyryldy. Jábirlenýshilerdiń shyǵyndy óteý týraly azamattyq talap aryzdary tolyq qanaǵattandyrylyp, sot sheshimi zańdy kúshine endi.
Osyǵan bailanysty Astana qalasynyń prokýratýrasy áleýmettik jeliler men messendjerlerdi paidalaný kezinde asa saq bolýǵa shaqyrady. Quzyrly organ internettegi jeńil tabys, arzan týrlar men investitsiialar týraly usynystarǵa senbeýdi, qyzmet usynatyn tulǵalardy muqiiat tekserýdi jáne alaiaqtyq faktisi anyqtalǵan jaǵdaida dereý politsiiaǵa júginýdi eskertedi.
