Foto: informburo.kz
Jaqynda Aqtóbe oblysynda mektep oqýshylarynyń kúmándi ónimderden jappai ýlaný oqiǵasy qoǵam nazaryn aýdardy. Bul másele QR Densaýlyq saqtaý ministrliginiń Sanitariialyq-epidemiologiialyq baqylaý komitetiniń jedel áreket etýine túrtki boldy. Komitet importtyq snekterdiń qaýipsizdigin anyqtaý maqsatynda monitoring júrgizip, birneshe mańyzdy málimetterdi anyqtady, dep habarlaidy Ult.kz.
Zertteý nátijeleri
Monitoring barysynda 1,5 myńnan astam dúken qamtyldy. Zerthanalyq zertteýge alynǵan 14 ónim úlgisiniń quramynda ruqsat etilmegen dám kúsheitkishter tabyldy: natrii glýtamaty (E621), natrii gýanilaty (E627) jáne natrii inozinaty (E631). Bul qospalardyń qoldanylýy Keden odaǵynyń tehnikalyq reglamentterimen belgilenbegen.
Dám kúsheitkishteri bar ónimderdi shamadan tys tutyný:
- Artyq salmaqqa;
- Asqorytý júiesiniń buzylýyna;
- Allergiialyq reaktsiialarǵa;
- Júrek-qan tamyrlary aýrýlaryna ákelýi múmkin.
Tańbalaý talaptarynyń buzylýy
Zertteýler barysynda snekterdiń qaptamalarynda ónimniń ataýy, quramy, taǵamdyq jáne energetikalyq qundylyǵy, jaramdylyq merzimi, saqtaý sharttary kórsetilmegeni anyqtaldy. Sondai-aq, ónimniń qaýipsizdigin rastaityn sáikestik týraly deklaratsiianyń joqtyǵy da tirkeldi. Bul tutynýshylardyń quqyqtaryn buzý jáne olardyń densaýlyǵyna qaýip tóndirý.
Qabyldanǵan sharalar
Sanitariialyq-epidemiologiialyq baqylaý komiteti kúmándi snekterdi satylymnan alyp tastap, saýda oryndaryna tiisti talaptardy saqtaýdy mindettedi. Sonymen qatar, halyq arasynda aqparattyq-túsindirý jumystary júrgizilýde. Osy is-sharalar aiasynda kelesi usynystar berildi:
- Taýardy tekserilgen saýda oryndarynan satyp alý.
- Qaptamadaǵy aqparatqa nazar aýdarý: ónimniń ataýy, quramy, jaramdylyq merzimi, saqtaý sharttary kórsetilýi tiis.
- Kúmándi sapadaǵy taǵam ónimderinen bas tartý.
Sondai-aq importtyq ónimderge baqylaý kúsheitý usynyldy. Bul tek halyqtyń densaýlyǵyn qorǵaýǵa ǵana emes, sondai-aq tutynýshylardyń quqyqtaryn qorǵaýǵa baǵyttalǵan mańyzdy qadam. Memleket pen qoǵamnyń birlesken kúsh-jigeri arqyly ǵana sapasyz ónimderdiń satylýyna jol bermeýge bolady.
