"Terrorizmmen kúreste Qazaqstan kórshilerinen kómek suramaidy, — degen senimde QR Qorǵanys ministri", - dep jazady kaz.365info.kz.
Qazaqstan "óz qotyryn ózi qasýǵa" qaýqarly2016 shildede Aqtóbedegi jáne Almatydaǵy terroristik aktilerden keiin bir qatar sheteldik BAQ-tarda maqalalar jariialanyp, túrli deńgeidegi sarapshylar reseilik áskerdiń Qazaqstanǵa kirgizilýi múmkin degen boljam jasaǵan edi («Reseilik sarapshy: «Qazaqstanǵa orys áskeri engiziledi», «Rossiiskii spetsnaz mog by priiti v Kazahstan — predlojenie eksperta», «11 siýrprizov, kotorye mojet prepodnesti mirý Kreml»).
Osyndai saryndaǵy kúmándi tujyrymdamalarǵa alǵashqy jaýap bergen resmi tulǵa — QR qorǵanys ministri Imanǵali Tasmaǵambetov boldy.
— Qandai da bolsyn syltaýmen Qazaqstan aýmaǵyna Resei áskeriniń kirgizilýi múmkin emes. Meili, ol islamdyq terrorizm, terroristik aktiler jáne taǵy basqalary bolsyn, — dedi Imanǵali Tasmaǵambetov 2016 jylǵy 1-tamyzda Almatyda jýrnalistermen bolǵan kezdesý barysynda.
Qazaqstanǵa kómek berý jaiynda elimizdiń áskeri-saiasi basshylyǵy tarapynan Resei Federatsiiasyna da, basqa memleketterge de eshqandai ótinishter jasaý bolǵan joq jáne bolmaidy.
Qazaqstannyń „óz qotyryn ózi qasýǵa„ qaýqary jetedi, terroristik qaýipterdi qosa alǵanda. Ózderińiz kórip otyrsyzdar: Aqtóbedegi jáne Almatydaǵy shielenis oshaqtaryn oqshaýlaýǵa bizdiń qarýly kúshter qatysqan joq. Shyn máninde, mundai jaǵdaida biz óz kúshimizdi jaýyngerlik daiyndyq jaǵdaiynda ustaimyz, biraq odan aryǵa barmaimyz.
Qajet bolǵan jaǵdaida áskeri-kólik ushaqtary Ulttyq ulannyń áskerin elimizdiń kez-kelgen jerine jetkizýge qabiletti
Búginde Ulttyq ulannyń kásibi daiyndyǵy joǵary, Ulttyq qaýipsizdik komitetiniń arnaiy maqsattaǵy bólimsheleri, Ishki ister ministrliginiń de arnaiy maqsattaǵy kúshteri bar, bizdiń vedomstvo da qur alaqan emes. Sondyqtan terroristik qaýippen kúresý formatynda bizge kórshilerdiń kómegi qajet deý — artyq aitqandyq.
Qazirgi terroristke qarýdyń da qajeti joqEýropadaǵy buqaralyq aqparat quraldary Reseidi qubyjyq etip kórsetedi.
Olardyń saiasaty sondai — ózderiniń keibir maqsattaryna qol jetkizý úshin olar jurtty Reseimen qorqytady, biraq munyń Qazaqstanǵa eshqandai qatysy joq.
Elimizdegi lańkestik shabýyldar máselesine kelsek, mundai kúrestiń alǵy shebinde, birinshi kezekte, Ulttyq qaýipsizdik komiteti turady — „anyqtaý jáne kózin joiý„ solardyń maqsatyna jatady. Men UQK úlken jedel jumys atqaryp otyr dep esepteimin, biz olarmen bailanystamyz. Sondai-aq IshkiIsMin men Ulttyq ulan basshylyǵy da qarap otyrǵan joq.
Alaida búgin terroristik shabýyldyń qaida jáne qashan bolatynyn dóp basyp aitý múmkin emes. Ózimiz kórip otyrǵandai qazirgi terroristke shabýyl daiyndaýǵa tyńǵylyqty daiyndalý qajet emes. Oǵan qarý izdep, jarylǵysh zattar jasaýdyń da qajeti joq.
Zamanaýi lańkeske, Nitstsada bolǵandai, júk kóliginiń rýline otyryp, kólikti adamdar kóp jinalǵan jerge qarai bettetse, jetip jatyr.
Meniń oiymsha, búgin terrorizm psihozy túshkirgennen de juǵatyn syńaily. Bir elde terakt oryn alsa, ol planetanyń basqa bir jerindegi lańkestik jasaǵaly júrgen bireýge berilgen belgi ispetti. Sondyqtan álem mundai soiqannan qorǵalǵan deýge bolmaidy. Al Qazaqstan — osy álemniń bir bóligi.
