Qazaqstandyq aýyr atlet, álemniń tórt dúrkin chempiony Ilia Ilin aýrýhanaǵa túsip qaldy, dep habarlaidy "Ult aqparat".
Sportshy óziniń Instagram paraqshasynda dárigerlerge arnap videoúndeý joldady.
«Men bul videony júktegim kelmedi, biraq qazirgi qal jaǵdaiymdy jazǵanym durys dep sheshtim. Qazir bári oidaǵydai. Videoda bárin qysqasha aittym. Dárigerlerimizge kóp raqmet! Qazir sizder úshin óte qiyn kezeń ekenin bárimiz jaqsy túsinemiz. Sizderge búkil Qazaqstan halqy úmitpen qarap otyr» dep jazady Ilia Ilin.
Óziniń aitýynsha, aýyr atlet alty kúnnen beri aýrýhanada jatyr. Ol koronavirýs juqtyrmaǵan, kúizeliske bailanysty allergiialyq reaktsiia bolǵan. Qyzylordalyq dárigerler áreń degende esin jiǵyzǵan.
Qazir ol ekinshi kún qatarynan jattyǵý jasap, aýrýdy jeńýge bar kúshin salyp jatyr.
«Dostar, ózińizge jáne jaqyndaryńyzǵa qamqor bolyńyz» degen sportshy óziniń jatqan palatasy men qalai jattyǵý jasap júrgenin kórsetedi.
Eske sala keteiik, Ilia Ilin taiaýda ǵana Qyzylordadaǵy «Muz saraiynyń» direktory bolyp taǵaiyndalǵan edi.
