Foto: Ashyq derekkózden
Ilham Áliev Iran dronynyń shabýylyna qatysty pikir bildirip, ony «terrorlyq áreket» dep atady, dep habarlaidy Ult.kz.
«Iran tarapy bolǵan oqiǵaǵa bailanysty Ázerbaijannan túsinikteme berip, keshirim suraýy tiis. Al bul terrorlyq áreketti uiymdastyrǵandar zań aldynda jaýap berýi qajet», — dedi ol.
Sondai-aq aita keteiik, Ázerbaijan biligi bul halyqaralyq normalardy buzý dep baǵalap, bolǵan jaǵdaiǵa jaýap sharalaryn qabyldaý quqyǵyn ózderinde qaldyratynyn málimdedi.
Bul jaǵdaiǵa qatysty Qasym-Jomart Toqaev ta málimdeme jasap, Irannyń Ázerbaijanǵa jasaǵan shabýylyn aiyptaǵan bolatyn.
Prezident muny «baýyrlas Ázerbaijan halqyna qarsy jasalǵan áreket» dep baǵalady.
Eske salaiyq, buǵan deiin Iran drony Nahchyvan qalasyndaǵy áýejai mańyna qulaǵan bolatyn. Málimetke sáikes, ushqyshsyz apparattardyń biri halyqaralyq áýejai ǵimaratyna soqqy jasaǵan, al taǵy biri Shekerabad aýylyndaǵy mekteptiń janyndaǵy aýmaqqa túsken. Shabýyl saldarynan eki adam jaraqat aldy.
