Ile Alataýy taýlarynda Mánshúk Mámetova shyńyna jalǵyz attanǵan er adam izdestirilýde. Bul týraly TJM habarlady.
18 shildede Respýblikalyq jedel-qutqarý jasaǵynyń kezekshi bólimine Almaty qalasynyń Tótenshe jaǵdailar departamentinen er adamnyń taýda joǵalǵandyǵy týraly habarlama kelip tústi.
Mánshúk Mámetova kólinde túnegen 27 jastaǵy jas jigit tańerteń shyńǵa kóteriletinin aitqan. Keshke jaqyn týrist dosyna habarlasyp shyńdy baǵyndyrǵandyǵyn, degenmen oǵan kómek qajet ekendigin jáne ózdiginen túse almaityndyǵyn eskertken. Osydan keiin er adammen bailanys úzilgen. Oqiǵa ornyna 1 birlik avtotehnika, 6 adamnan turatyn RJQJ jedel toby shyqty. RJQJ qutqarýshylary alpinizm federatsiiasynyń (Tuiyqsý bazasy) alpinisterimen birlesip, izdestirýdi bastady. Alpinisterden 2 adam jumyldyryldy. Jedel top R№ 6 kóline deiin jetip, M.Mámetova shyńyna qarai jaiaý júrip shyqty.
ROSO qutqarýshylary muzdyqtyń túbin barlap, muzdaqtardy qarap shyqty. Alpinister M.Mámetova jotasynyń qyrqasyn asyp ótti.
Belgili bolǵandai, týrist «Qazseldenqorǵaý» jumysshylaryna sómkesin qaldyryp, 18 shilde kúni túske qarai qaitatynǵyn aityp, sol qalpy oralmaǵan.
Búgin tańerteń RJQJ-nyń ekinshi jedel toby 7 adam men 1 birlik avtotehnika quramynda birinshi toppen aýysty. Qazirgi ýaqytta izdestirý-qutqarý jumystary jalǵasýda, Respýblikalyq jedel-qutqarý jasaǵynyń qutqarýshylary Qazaviaqutqarý AQ bortynda M.Mámetova shyńyn ushyp ótýde.
