Ótken aptada elimizdiń aýmaǵynda ótkizilgen «Joldaǵy qabyldaý» aktsiiasy barysynda politsiiaǵa azamattardan 9,5 myń ótinish tústi. Bul jaiynda QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat tilshisi.
«Ótken aptanyń sońynda IIM «Joldaǵy qabyldaý keń aýqymdy respýblikalyq aktsiiasyn ótkizdi. Elimizdiń qalalarynda jáne aýdan ortalyqtarynda politsiia departamentteriniń, ákimshilik politsiianyń jergilikti jáne kóshi-qon qyzmetteriniń basshylary aldyn alý jazylýsyz onlain qabyldaý ótkizdi. Aktsiia barysynda «qaýyrt jeli», skaip-konferentsiialar, áleýmettik jelilerdegi politsiia akkaýnttaryna, óńirlik BAQ-tardyń aqparattyq platformalaryna habarlama arqyly konsýltatsiialar uiymdastyryldy», - dedi ol Ishki ister ministrliginiń baspasóz qyzmeti alańynda ótken brifing barysynda.
Resmi ókildiń dereginshe, aktsiia barysynda azamattardan 9 595 ótinish túsip, onyń 9 575-i qanaǵattandyryldy. Al 20 ótinishke jaýap olar jan-jaqty qaralǵannan keiin beriledi.
«Suraqtar negizinen kólik quraldaryn tirkeýge, júrgizýshi kýáligin berýge, jol qozǵalysyn uiymdastyrýǵa, kólik quralyn qaita jabdyqtaýǵa, aiyppul tóleýge qatysty boldy», - dedi Nurdildá Oraz.
