Foto: Orda.kz
Talǵardaǵy uiymdasqan qylmystyq top týraly aqparatty IIM men prokýratýra túsindirdi, dep habarlaidy Ult.kz.
Quqyq qorǵaý jáne qadaǵalaý organdary Talǵar qalasynda "Hýtorskie" dep atalatyn uiymdasqan qylmystyq toptyń joq ekenin málimdedi.
Ishki ister ministrligi men prokýratýra ókilderi 16 jastaǵy Sherzattyń ólimine qatysty tergeý barysynda áleýmettik jelilerde taraǵan Talǵardaǵy qylmystyq top týraly aqparatty joqqa shyǵardy. Qala turǵyndary "Hýtorskie" dep atalatyn uiymdasqan qylmystyq toptyń áreket etetinin aitqan bolatyn.
IIM ókilderi bul aqparatty rastaǵan joq.
«Uiymdasqan qylmystyq topqa qatysy bar degen adamdardyń is-áreketteri tekserilýde, alaida bizde "Hýtorskie" degen qylmystyq toptyń esebi joq. Bul iske qatysty ustalǵan adamdardyń sipattamasyn aitar bolsam, ekeýi ippodromda atbegi, bireýi taý-shańǵy kýrortynda jumysshy, taǵy bireýi basqa kýrortta kúzetshi bolyp jumys isteidi, al ekeýi sulýlyq salonynda jumys isteidi», — dedi Ishki ister ministriniń birinshi orynbasary Baýrjan Alenov.
Sondai-aq, spiker Qazaqstanda uiymdasqan qylmystyq toptardyń esebi joq ekenin aitty.
Almaty oblysynyń prokýrory Berik Adamov «Hýtorskie» dep atalatyn toptyń ataýy Talǵar aýdanyndaǵy "Hýtor" dep atalatyn jerge qatysty bolýy múmkin degen boljam jasady.
«Talǵar aýdanynda "Hýtor" degen aýdan bar, múmkin sol jerdiń turǵyndaryn "Hýtorskie" dep ataǵan shyǵar. Alaida, Baýrjan Alenov aitqandai, búginde mundai uiymdasqan qylmystyq top joq», — dep málimdedi Berik Adamov.
Jýrnalister osy is boiynsha atalǵan Hasan Kasymbaevtyń jaǵdaiyn suraǵanda, spikerler onyń bul qylmystyq iske qatysy joq ekenin rastady.
Aita keteiik, keshe «Hýtor» bandasynyń basshysy delingen Hasan Qasymbaev úndeý jasap, bul iske qatysy joq ekenin aitty.
