Foto: ashyq derekkóz
Ishki ister ministrligi azamattarǵa kontsertter men buqaralyq is-sharalarǵa biletterdi satyp alý kezinde muqiiat bolýdy eskertti. Sońǵy ýaqytta internette biletterdi satý nemese alyp-satý boiynsha kúmándi usynystar jiilegen, dep habarlaidy Ult.kz.
Vedomstvo málimetinshe, jelide kontsertter men túrli is-sharalarǵa biletterdi satýǵa qatysty jalǵan habarlandyrýlar men deldaldardyń usynystary jii kezdesedi. Alaiaqtar biletti satyp alýǵa kómektesetinin aityp nemese ony joǵary baǵamen usynýy múmkin.
Sonymen qatar jalǵan biletterdi taratý faktileri de tirkelgen. Mundai jaǵdaida azamattar aqsha aýdaryp, sońynda biletsiz qalý qaýpine tap bolady.
IIM ókilderi turǵyndardy tek resmi jáne senimdi platformalar arqyly bilet satyp alýǵa shaqyrady. Sondai-aq beitanys adamdarǵa aqsha aýdarýdan saq bolý qajettigin eskertti.
Bul rette IIM baspasóz hatshysy Shuǵyla Turlybek azamattardy qyraǵylyq tanytyp, kúmándi usynystardan aýlaq bolýǵa úndedi.
