Foto: Racurs.ua
IIM esirtki qylmysyna qarsy is-qimyl komiteti azamattarǵa úndeý jasady, - dep habarlaidy Ult.kz.
IIM halyqty esirtki qylmysyna qarsy is-qimyl komiteti esirtki qylmystaryn, ásirese kámeletke tolmaǵandardy tartý jaǵdailaryn anyqtaý, jolyn kesý jáne aldyn alý baǵytynda birigip jumys isteýge shaqyrdy. Quqyq qorǵaý qyzmetkerleri balalar men jasóspirimderdiń minez-qulqyndaǵy ózgeristerge nazar aýdaryp, zańsyz satý boiynsha kúdik týdyratyn internet-resýrstarǵa, graffiti men kodtary bar jarnamalarǵa mán berýdi suraidy.
"Biz ár óńir boiynsha keri bailanys úshin telefon nómirlerin qaldyramyz. Siz mańyzdy aqparatty anonimdi jáne qaýipsiz túrde habarlai alasyz. Bul qylmystyń aldyn alyp, bireýdiń ómirin qutqarýǵa kómektesýi múmkin. Kámeletke tolmaǵandardy esirtki ortasyna tartýdy azaitý — bárimizge ortaq mindet. Bei-jai qalmai, belsendilik tanytqan ár azamatqa alǵys bildiremiz", - dedi IIM esirtki qylmysyna qarsy is-qimyl komiteti tóraǵasynyń mindetin atqarýshy Daniiar Meiirhan.
