video kadry
Ishki ister ministriniń orynbasary Igor Lepeha depýtat Dáýlet Turlyhanovtyń uly Nurasyl Bolattyń isine qatysty pikir bildirdi. Sottalýshy probatsiialyq baqylaýdy buzǵany belgili boldy, - dep habarlaidy «Ult aqparat» Tengrinews.kz-ke silteme jasap.
Májilis kýlýarynda jýrnalister IIM basshysynyń orynbasarynan probatsiialyq baqylaýdyń oryndalýyn qadaǵalaýǵa tiis qyzmetkerlerge qatysty tekserý júrgizile me, joq pa degen suraq qoidy.
"Biz bul is boiynsha qyzmettik tekserý júrgizdik. Qatań sharalar qoldanyldy, qyzmetkerler jazalandy", - dedi Lepeha.
Eske salaiyq, tamyzda jelide Nurasyl Bolattyń úiinde probatsiialyq baqylaýda bolýy kerek ýaqytynda qalany aralap júrgeni túsirilgen video paida boldy. QAJK ishki tekseristi bastaǵany týraly aitylǵan bolatyn.
Keiin Almatyda Medeý aýdandyq №2 sotynyń sheshimi boiynsha, Májilis depýtaty Dáýlet Turlyhanovtyń uly – Nurasyl Bolattyń bas bostandyǵyn shekteý jazasy aýystyryldy. Sot Nurasyl Bolattyń bas bostandyǵyn shekteý túrindegi ótelmegen jazasyn bas bostandyǵynan aiyrý jazasyna aýystyrý qajet dep tapty.
Buǵan deiin Almatyda áskeri qyzmetker belgili advokatty soqqyǵa jyqqany habarlanǵan. Bul oqiǵa 11 aqpanǵa qaraǵan túni Almatynyń saýda ortalyqtarynyń biriniń mańyndaǵy parkingte bolǵan. Is qoǵamdyq daý týdyrdy.
Bul oqiǵa týraly advokat Oleg Chernovtyń áieli Anna Dmitrievich Facebook-paraqshasynda jazǵan. Olar taksige otyra bergende bir jigit júgirip kelip, soqqyǵa jyǵylǵan qyzǵa kómektesýin suraǵan.
Al keiin advokatty soqqyǵa jyqqan áskeri qyzmetker grek-rim kúresinen qazaqstandyq jáne burynǵy Keńes Odaǵynyń palýany Dáýlet Turlyhanovtyń uly bolyp shyqty. Bul aqparatty Turlyhanovtyń ózi rastaǵan bolatyn. Ol ulyna qatysty daýǵa kózqarasyn bildirip, keshirim surady.
9 qazanda sot Nurasyl Bolatty ózine taǵylǵan qylmysty jasaǵany úshin kináli dep taýyp, 1 700 000 teńge kóleminde aiyppul saldy. 2024 jylǵy 14 mamyrda Joǵarǵy Sot isti kassatsiialyq tártipte qarap, úkimdi ózgertti. Turlyhanovtyń ulyna eki jyl bas bostandyǵynan shekteý jazasy taǵaiyndalyp, ótemaqy mólsheri ulǵaityldy.
